Receta

Super shije! Supë me qiqra, supa e shëndetit të mirë nga Ardeta Koçi

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 12 Janar, 11:14 | Përditesimi: 12 Janar, 11:16

Supë me qiqra

Përbërësit:

250 gr qiqra
1 qepë
1 karrotë
1 litër lëng mishi /perimesh
1 lugë supe gjalpë
4 lugë supe vaj ulliri
1 lugë supe salcë domate
2 lugë supe uthull
2 thelpinj hudhra
1 tufë majdanoz
Kripë, piper, arrë moskat

Përgatitja:

LEXO EDHE:
Piroshki me mish, receta ruse e piteve të mbushura nga zonja Albana

Qiqrat i vendosim në ujë 10-12 orë para se të gatuhen që të zbuten. I shpëlajmë dhe i vëmë në zjarr për të marrë një valë. I derdhim ujin dhe largojmë cipat e shkëputura nga qiqrat. I vëmë për t'i zier në një tenxhere me presion, për afro 35-40 minuta. Më pas kullojmë lëngun dhe i hedhim në mikser për të përgatitur kremin e qiqrave. Në mikser shtojmë vajin e ullirit, uthull, pak ujë të ngrohtë dhe i bëjmë kremoze. Në tenxheren që do të përgatisim supën, grijmë shumë imët qepën dhe e skuqim në gjalpë derisa të tretet. Hedhim hudhrat e shtypura, karrotën e grirë dhe salcën e domates dhe i skuqim derisa të shkëlqejnë. Shtojmë lëngun e mishit ose të perimeve, piperin e zi, arrën moskat, kripën, kremin e qiqrave, i përziejmë mirë dhe i lëmë të marrin valë. Në fund i grijmë edhe majdanozin dhe e shërbejmë duke e spërkatur me pak vaj ulliri.

MC/Shqiptarja.com

TAG: