Kosova konfiskon pronën e Radoiçiç, vila luksoze do kthehet në stacion policor

Ministri i Punëve të Brendshme, Xhelal Sveçla tha se ka kërkuar që vila e Milan Radoiçiçit, organizatorit të grupit terrorist që sulmoi Kosovën para një jave, të shndërrohet në stacion policor për njësitë me barka në departamentin kufitar.

Sveçla tha në një konferencë për media se vila e Radoiçiçit në skaj të liqenit të Ujmanit është e ndërtuar në tokën e Agjencisë Pyjore të Kosovës.

"Kompleksi superluksoz i Milan Radoiçiçit është i ndërtuar në tokën e Agjencisë Pyjore të Kosovës. Po ashtu ‘bypass’i i tunelit në afërsi është i uzurpuar nga ky kompleks, nga Milan Radoiçiç. Ky ‘bypass është infrastrukturë kritike. Tashmë jam në bisedime me ministrin e Bujqësisë, që kjo pronë t’i kalojë ministrisë së Punëve të Brendshme dhe më pastaj të shfrytëzohet nga Policia e Kosovës, për stacion për njësi me barka në departamentin e kufirit", tha Sveçla.

Lajmi kryesor:

Sveçla nxjerr pamjet: Terroristët u trajnuan në baza serbe, u përgatitën në pronën e Radoiçiçit! Plani, të aneksonin veriun e Kosovës

S.S/Shqiptarja.com

TAG:
• tensione ne veri te kosoves
• milan radoicic
• Xhelal Sveçla