POP 5

Lajmet më të lexuara të 5 minutave të fundit

Sociale

'Syri i Kaltër' javën e ardhshme bëhet Park Natyror, do ndalohen zhytjet! Ministrja: Do të zgjerohet 290 ha, burim ekonomie të gjelbër

Javën e ardhshme qeveria pritet të miratojë vendimin për ta kthyer Syrin e Kaltër në Park Natyror duke rritur sigurinë në të dhe duke zgjeruar sipërfaqen e mbrojtur. Ministrja e Turizmit Mirela Kumbaro, u tregua kritike për ndotjen në një nga pikat më të preferuara të turistëve vendas e të huaj.

Në pranverë turistët do të gjejnë  një realitet të ri tek  'Syri i Kaltër'. 30 minuta larg nga Saranda, kjo pikë shumë e preferuar turistike do të ketë parkim, rrugë, korsitë e biçikletave, deri te pikat panoramike, si dhe trenin e vogël për vizitorët.

Ministrja e Turizmit dhe Mjedisit, Mirela Kumbaro, e shoqëruar nga prefekti i qarkut të Vlorës, Flamur Mamaj e nisi inspektimin duke larguar një kanaçe nga uji.

"Duhet të pastrohet çdo ditë. E mora vet tani unë, ta bëjë firma, ja vetëm në 1 m katror u mbush koshi", tha ajo.

Me kthimin në park natyror, Agjencia Kombëtare e Zonave të Mbrojtura do të ketë nën monitorim jo vetëm burimin e syrit të kaltër, që aktualisht, sikundër nuk lejohet, përdoret edhe për zhytje.

"'Syrin e Kaltër' do ta kthejmë në ‘Park Natyror’. Kjo do të bëhet definitive me vendimin javën e ardhshme në Këshillin e Ministrave. Me marrjen e statusit 'Park Natyror' dhe sipërfaqja e zonës së mbrojtur do të zgjerohet në rreth 290 ha, si pjesë e vizionit tonë për të ruajtur e kthyer në burim ekonomie të gjelbër perlat e Shqipërisë", vijoi ministrja.

Syri i Kaltër një parajsë natyrore në zemër të Shqipërisë, dhe perlë e turizmit veror gjendet pranë fshatit Muzinë, në rrugës nacionale Delvinë-Gjirokastër gjysmë ore larg nga Saranda.

Videoja e postuar nga Edi Rama

K.T.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • KritikAbsolut: 16/01/2022 15:00

    Si gjithmone rindja e fasadave po nderton biznese familjare nepermjet koncensioneve. Si cdo vit dhe sivjet rrugen do ta mbuloje tymi dhe zonen rreth syrit do ta mbulojne kanacet dhe plehrat. Njerezit do fusin kembet ne uje dhe plot syresh do zhyten dhe as1 ska per ta rr*jt fare as per ligjin dhe as per Maliqin

    Përgjigju
  • Cnxndn: 16/01/2022 14:23

    Dhe ky me koncension.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu