POP 5

Lajmet më të lexuara të 5 minutave të fundit

Politikë

Të përndjekurit, arrihet marrëveshja
kalon në qeveri p/ligji, ja përfitimet

Odiseja e dëmshpërblimit të ish-të përndjekurve politikë që janë gjallë duket se po merr fund, pasi qeveria deklaron zyrtarisht se do të kalojë ligji që i jep fund kësaj padrejtësie ndër vite. Ministri Veliaj takoi një përfaqësi të ish-të përndjekurve, përfundohen me suskses negociatat për dëmshpërblimin. Ish-të përndjekurit takojnë Veliajn “Grevistët janë futur nga PD”
TIRANE- Odiseja e dëmshpërblimit të ish-të përndjekurve politikë që janë gjallë duket se po merr fund, pasi qeveria deklaron zyrtarisht se do të kalojë ligji që i jep fund kësaj padrejtësie ndër vite. Një akord i tillë është arritur mes qeverisë dhe kësaj shtrese të diskriminuar jo vetëm nën regjimin e Enver Hoxhës, por dhe në 23 vitet e pluralizmit politik.

Kështu, ministri i Mirëqenies Sociale dhe Rinisë, Erion Veliaj, u takua dje me një grup ish të përndjekurish politikë, me të cilët diskutoi dhe u prezantoi propozimet e reja për ndryshimin e ligjit për dëmshpërblimin financiar të tyre, i premtuar që në fushatën elektorale, por dhe i çimentuar në qëndrimin e ministrit dhe të qeverisë disa javë më parë. Në negociatat me ta, Veliaj vuri në dukje se propozimet e grupit të punës të kryesuar nga MMSR-ja, kanë si prioritet dëmshpërblimin e të gjithë ish të përndjekurve që jetojnë.

“Projektligji u jep prioritet në pagesa ish të përndjekurve politikë që janë gjallë. Njerëz si Islam Spahiu, sot 83 vjeç, përfitojnë më shpejt nga ndryshimet e reja dhe më vjen mirë që ata i përkrahin propozimet tona”, u shpreh ministri Veliaj, duke shtuar se ky projektligj do të kalojë në mbledhjen e nesërme të qeverisë. Grupi i ish të përndjekurve, disa prej të cilëve më parë ishin larguar nga greva e urisë duke e cilësuar atë si politike, e mirëpritën ndryshimin e ligjit, i cili bën të mundur një dëmshpërblim solidar, transparent, dhe jo-përjashtues.

Projektligji i ri i jep përparësi në dëmshpërblim ish të burgosurve politikë që janë gjallë dhe trashëgimtarëve të radhës së parë, që janë në moshë të mitur në momentin e hyrjes në fuqi të këtij ligji. Sipas këtij ligji, çdo fond vjetor ndahet në 70% për dëmshpërblimin e personave që janë në kategorinë prioritare dhe 30% për të dëmshpërblyer trashëgimtarët e ish të dënuarve politikë.

Në grupin e përfituesve që trajtohen me përparësi përfshihen ish të denuarat politike gra, ish të dënuarit politik me moshë mbi 75 vjeç, ish të dënuar që vuajnë sëmundje të rënda, ish të dënuar të cilët pavarësisht moshës kanë pasardhës në moshë të mitur dhe të gjithë ata që janë gjallë në momentin e hyrjes në fuqi të këtij projektligji. Vlerësohet se numri i ish të dënuarve politikë që janë gjallë sot është 2754 persona, mes të cilëve janë 117 gra, të cilët presin të përfitojnë nga ligji i ri.

Shkrimi u botua në Shqiptarja.com (print) në 4 qershor 2014

Redaksia Online
(d.a/shqiptarja.com)
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:30