Tabaku:Erion Veliaj keqmenaxhoj
përmbytjen në Tiranë,vetëm show

Deputetja e Partisë Demokratike, Jorida Tabaku akuzon kreu e e Bashkisë së Tiranës Erion Veliaj për show në televizion me kronika të regjistruara me regji qendrore nga zyrat e Bashkisë.

Më tej Tabaku shkruan se Veliaj nuk e ka menaxhuar situatën e përmbytjeve në Tiranë madje e ka keqmenaxhuar.

Tabaku shprehet se gjysma e Tiranës ka vetëm 30 minuta uji në ditë ndërsa banorët kanë gjetur zgjidhje duke blerë uji nga botet private. Statusin në "Facebook" e shoqëron me një foto ku qytetarët blejnë uji në autobote.

Statusi i plotë:

Sikur të mos mjaftonte katastrofa që prodhoi shiu, në televizione shfaqen kronikat e regjistruara të kryetarit të bashkisë Tiranë.

I cili, vazhdon të prodhojë show me regji qendrore nga zyrat e Bashkisë edhe në këto çaste kaosi që janë peshqesh prej keqmanaxhimit te tij më shumë se sa prej shiut.

Tirana, banorët e të cilës nga janari 2018 do të kenë një çmim më të lartë uji, po vuajnë nga uji i pijshëm edhe energjia elektrike.

Gjysma e Tiranës ka vetëm 30 minuta ujë në ditë ndërsa banorët kanë gjetur zgjidhjen tek blerja e ujit që shitet nga botet private me bekimin e UKT. Pak ditë me shi që tregojnë fytyrën e vërtetë të investimeve të bashkisë në kanalizime dhe UKT.

Të nderuar qytetarë, mos harroni! Kryetari bashkisë do të shpenzojë këtë dhjetor mbi 2 mln euro që palmat shkaktare të përmbytjes së autostradës t’i zëvendësojë me pisha.

Fare mirë kjo shumë mund të përdorej në shërbim të UKT që një herë e mirë ajo të mos bllokojë furnizimin me ujë prej një rreshje shiu apo një ngrice të vogël.

Fotoja që postoj Jorida Tabaku bashkë me statusin në "Facebook"

Redaksia Online
Xh.F/Shqiptarja.com