POP 5

Lajmet më të lexuara të 5 minutave të fundit

Politikë

Tahiri: Dekriminalizimi i drejtësisë 
ti japim fund pandëshkueshmërisë

Saimir Tahiri ka reaguar një ditë pas vendimit të gjykatës për lirimin e Arben Frrokut e cila e shpalli atë të pafajshëm. Ministri i Brendshëm Saimir Tahiri përmes një statusi në rrjetin social Facebook ka parashtruar edhe njëherë nevojën që ka vendi ynë për dekriminalizim në fushën e drejtësisë. Sipas Tahirit lëvizjet e 8 viteve të fundit për emërimet partiake që janë bërë në gjyqësor, sponsorizimet politike kanë shkatërruar integritetin e drejtësisë.  VIDEO
Një ditë pas vendimit surprizë të gjykatës së krimeve të rënda që i dha pafajësinë Arben Frrokut i akuzuar për vrasjen e kryepolicit Dritan Lamaj, reagon ministri i brendshëm Saimir Tahiri.

Reforma në drejtësi dhe dekriminalizimi është një rrugë e nisur që duhet të vazhdojë, dhe kjo është e qartë më shumë sot se sa dje, shkruan ministri Tahiri në një shënim në rrjetin social Facebook. 

Referuar drejtësisë Tahiri shkruan se emërimet partiake në gjyqësor, sponsorizimet politike dhe korrupsioni skandaloz në 2 dekada, e akoma më shumë 8 vitet e fundit, ka shkatërruar integritetin e drejtësisë.

Ndalur sërish tek pafajësia e Frrokut, Ministri i brendshëm shkruan: “Shpresoj të mos jetë thënë ende fjala e fundit! Por pertej fakteve konkrete, mungesa e besimit publik te drejtësia sot është me evident se kurrë. Dhe aspak rastësisht! E as gabimisht!”
 
Më poshtë statusi i plotë i Saimir Tahirit

Reforma dhe dekriminalizimi i drejtesise eshte rruga qe kemi nisur e qe duhet te vazhdojme bashke, per ti dhene fund pandeshkueshmerise sistematike.
Kjo eshte e qarte sot, shume me shume se dje. 
Emerimet partiake ne gjyqesor, sponsorizimet politike dhe korrupsioni skandaloz ne 2 dekada, e akoma me shume 8 vitet e fundit, ka shkaterruar integritetin e drejtesise.
Shpresoj te mos jete thene ende fjala e fundit! 
Por pertej fakteve konkrete, mungesa e besimit publik te drejtesia sot eshte me evident se kurre. Dhe aspak rastesisht! 
E as gabimisht!

tahiri fb

Redaksia online
(f.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13