Tahiri në Bërzhitë: Të nxjerrim në
pension ata si Saliu e rraca e tij

Kandidati socialist për deputet, Saimir Tahiri u ka bërë thirrje qytetarëve të votojnë për të nxjerrë në pension politikanët si Berisha.

Sipas Tahirit, vota e qytetarëve është vendimtare për ti dhënë jetë parlamentit të ri.

I ndodhur sot në Bërzhitë, Tahiri vlerësoi 25 Qershorin si, ditën e fitores përballë ‘partiçkave’.
“Në 2013-n falë jush, ia dolëm ta nxirrnim në pension Sali Berishën. Prioriteti i sotshëm, të nxjerrim në pension ata si Saliu dhe raca e tij. 25 Qershori, dita e fitores së qytetarëve përballë ‘partiçkave’”.
 
Më tej Tahiri vlerësoi reformën administrative që sipas tij, i dhanë vlerë pronave të fshatarëve.
“Me reformën administrative, morën vlerë pronat tuaja”, tha Tahiri duke shtuar se, “është koha të trokasësh te komshiu, të bindësh shokun për votën për PS”.