Takimi i dytë më i rëndësishëm historik, dy zonjat e para koreane shohin për herë të parë njëra-tjetrën

Gratë e liderit të Koresë së Veriut Kim Jong-Un dhe presidentit të Jugut Moon Jae-in janë takuar dje për herë të parë.

Ri Sol-ju, gruaja e Kim Jong-un, e kaloi kufirin në zonën e demilitarizuar dhe hyri në territorin e Koresë së Jugut të premten për të marrë pjesë në darkën e shtruar nga presidenti Moon Jae-in.

Përpara se të uleshin në tryezën e darkës, ajo pati një bisedë të shkurtër me zonjën e parë të Koresë së Jugut Kim Jung-sook, duke shënuar takimin e parë të gjitha kohërave ndërmjet zonjave të para të të dy koreve.

LEXO EDHE:
Zyrtare/ Dy ndeshje me Kombëtaren, Kristal Abazaj rikthehet në Turqi

Pas mbërritjes së saj në fshatin e Panmunjom në orën 6:15 të pasditess ajo u drejtua menjëherë për në ndërtesën e Shtëpisë së Paqes në pjesën jugore të fshatit, ku do të shtrohej edhe darka.

Moon dhe Kim zhvilluan një takim historik në katin e dytë të ndërtesës më herët gjatë ditës së djeshme.

“Jam e lumtur të dëgjoj nga burri im se takimi qe i suksesshëm. Shpresoj që gjërat ndërmjet dy udhëheqësve të shkojnë mirë” ishin fjalët e Ri që u cituan nga televizioni i Koresë së Jugut.

Dy zonjat duket se patën një impakt shumë të mirë me njëra-tjetrën, kur Kim Jung-sook u pa të qeshte e lumtur pasi e përgëzoi homologen e saj koreanoveriore.

Ato u panë të shtrëngonin duart, teksa fotografët i brohoritën, teksa kapnin momentin historik.  

TAG:
• takimi mes dy Kore-ve

Sondazhi i ditës:

A duhet të lejohet mjeku të punojë njëkohësisht në spital publik e privat?

• Po

  12.1%

• Jo

  84%

• Nuk e di

  3.9%

Vota total: 4179

Votat totale janë unike

• Sondazhi i ditës:

  A duhet të lejohet mjeku të punojë njëkohësisht në spital publik e privat?

  Po Jo Nuk e di