Kryeministri Edi Rama ka dhënë një intervistë për mediat pas takimeve të zhvilluara në Bruksel me liderët e Ballkanit Perëndimor. Ata u pritën në një darkë jo formale nga Përfaqësuesi i Lartë i Bashkimit Evropian për Politikën e Jashtme, Josep Borrell në Bruksel. Rama u pyet për deklaratat e presidentit serb Aleksandër Vuçiç, i cili tha se Serbia do të rishikojë qëndrimin e saj nëse Kosova do të kërkojë anëtarësimin e Europës.
Kryeministri Rama theksoi se do të mbështesin Kosovën, edhe pse i vjen keq për Serbinë dhe ka të drejtë të mendojë ndryshe.
"Kjo nuk do diskutim fare. Ne jemi shumë të qartë. Ne nuk kemi asnjë ekuivok. Ne jemi në mbështetje absolute të Kosovës në çdo hap dhe për çdo gjë që lidh Shqipërinë, Kosovën dhe komunitetin ndërkombëtar. Ndërkohë që ne kemi qasje komplet tjetër kur vjen puna tek normalizimi i marrëdhënieve hap pas hapi në aspektin ekonomik, në aspektin e lirisë së lëvizjes e të tjera e të tjera, me Serbinë paralelisht me betejën në tryezë, betejën diplomatike për dialog e kështu me radhë sepse besojmë që kjo është rruga, kjo është rruga dhe nga ana tjetër respektojmë plotësisht zgjedhjen e bërë nga autoritetet legjitime, të votuara, të mandatuara, përgjegjëse të Kosovës për të patur një qasje komplet tjetër në këtë aspekt. Por kur vjen puna tek demarshet e Kosovës në arenën ndërkombëtare, ne jemi 100% me Kosovën. Serbia sigurisht është në të drejtën e vet të mendojë krejt ndryshe, na vjen keq për Serbinë në këtë rast, por ne do të mbështesim Kosovën!", tha Rama.
Për integrimin në BE, Rama përsëriti se mbeten në pritje të presidencës franceze dhe theksoi se situata e ngërcit nuk do të qëndrojë gjatë pasi do të ndryshojnë kurs. Për këtë i referohet Këshillimit Kombëtar me qytetarët për shkëputjen nga Maqedonia e Veriut, e cila po mbahet peng nga Bullgaria.
"Tani situata dihet dhe të përsërisim atë që vazhdon të përsëritet mbase nuk ia vlen. Megjithatë, po e përsërisim që është shumë e qartë që për Shqipërinë opinioni është tejet pozitiv, ne presim një tjetër raport-progresi dhe jemi të bindur që do jetë edhe më pozitiv për shkak se shumë gjëra kanë ndodhur dhe janë të gjitha në drejtimin e duhur. Imazhi i Shqipërisë është komplet tjetër sot në çdo aspekt. Shqipëria konsiderohet një model për rajonin, jo vetëm këtu, por dhe në Hagë është shumë e qartë kjo gjë.
Megjithatë, dje biseda është përqendruar tek situata social-ekonomike, si rezultat i pasojave të luftës dhe për hir të vërtetës, nëse do kishim mundur ta ndanim me opinionin publik në Shqipëri atë bisedë, do kishim dëgjuar vërtetë situata shumë më problematike sesa situata jonë, në aspektin e qëndrueshmërisë financiare, në aspektin e financimit të mëtejshëm të ekonomisë, në aspektin e inflacionit e kështu me radhë. Sa i përket pjesës tjetër, ne jemi në pozicionin që dihet, do presim dhe presidencën franceze. Këtu çështja është tek Bullgaria që ka marrë peng Maqedoninë dhe që si rezultat, ka bërë që ne të jemi peng i një ngërçi të madh që ne nuk kemi lidhje fare.
Ndërkohë, besoj që të gjithë e kanë të qartë që kjo situatë nuk mund të vazhdojë më gjatë. Megjithatë, ne do të ndryshojmë menjëherë kurs, siç e kemi thënë dhe siç e kemi marrë nga Këshillimi Kombëtar në rast se nuk do të kalojë në fazën tjetër vendi ynë për t’u ulur formalisht në tryezë për negociata", tha Rama.
Kryeministri Rama foli edhe për asistimin në BE të 6 vendeve të Ballkanit Perëndimor, duke patur parasysh zhvillimet dhe pasojat që mund të vijnë nga lufta Rusi-Ukrainë dhe tha se janë në dialog të vazhdueshëm, por gjithçka mbetet për tu parë.
"Bashkimi Europian është një makineri e rëndë dhe e madhe, që edhe kur ka kthesa për të marrë, i merr shumë ngadalë, por ne kemi, prej disa kohësh, punuar me disa kryeqytete, duke bërë disa propozime tonat sepse ka edhe një vullnet të ri për të dëgjuar nga ne dhe kur them nga ne nuk kam parasysh vetëm Shqipërinë, por edhe vendet të tjera, por edhe duke pasur parasysh faktin që ne tani kemi garantuar një akses të drejtpërdrejtë me kancelarinë kryesore dhe kemi një dialog të vazhdueshëm, pra nuk jemi më në kohën kur një bisedë mes kryeministrit të Shqipërisë dhe Kancelarit apo Presidentit të Francës ishte një ngjarje e madhe për të cilën flitej në televizor, bëheshin njoftime për shtyp. Sot këto janë rutinë, por nga ana tjetër gjithçka është e hapur dhe gjithçka mund të ndodhë. Mund të ndodhë që të ketë një ndryshim të rëndësishëm. Mund të ndodhë që mund të mos ndodhë asgjë, kjo është e gjitha për tu parë", tha Rama.
Ndërsa për zgjedhjen e Dritan Abazoviç si kryeministër i Malit të Zi dhe përfshirjes në 'Open Balkan', Rama thotë se është vetëm çështje kohe që të bashkohen të gjitha vendet sepse nuk ka ku shkon kjo punë.
"Ballkani i Hapur funksionon dhe do funksionojë gjithmonë e më mirë. Tani ne presim që edhe Mali i Zi t’i bashkohet, domethënë është çështje kohe, unë e kam thënë gjithmonë, është çështje kohe që t’i bashkohen të gjithë në fakt se nuk ka ku shkon tjetër kjo punë përveçse tek kooperimi, tek bashkëpunimi, kështu që sigurisht që është humbje kohe patjetër për ata që ngurojnë apo refuzojnë të bashkohen, por ne nuk kemi kohë për të humbur", thotë Rama.
Lajme të tjera
-
'Vatikani SUFI, rruga liberale drejt Islamit', Baba Mondi flet për 'La Repubblica'
17 Nëntor, 12:39
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
Mbi një dekadë në opozitë, i padëshiruar dhe nën arrest shtëpie, Berisha kërcënon Sorosin se do e shpallë ‘non grata’! Thotë dhe se Rama do shkojë për azil te Lukashenko
15 Nëntor, 17:06 -
Pamjet me dron/ Magjia e Vermoshit nën vellon e dëborës, Ftesa e Ramës: Shijoni Alpet edhe gjatë dimrit
15 Nëntor, 09:27 -
Sondazhi në Report Tv/ Nëse zgjedhjet mbahen sot, Rama ‘korr’ mandatin e 4! Rikthimi i Trump nuk 'shpëton' Berishën nga non grata! 73.5% e quajnë dështim mosbindjen civile të PD
14 Nëntor, 21:08 -
Rikonstruktohet muzeu Etnografik i Kavajës, rrëfime historike përmes teknologjisë
14 Nëntor, 16:25 -
Vuçiç takohet me Orbanin në Budapest: Miq të sinqertë
14 Nëntor, 15:27 -
Turi i diasporës, Rama më 24 nëntor në Londër
14 Nëntor, 14:44 -
Rama i ulet në gjunjë Melonit dhe e përqafon (VIDEO)
13 Nëntor, 14:23 -
Kush është Marco Rubio? I besuari i Trump për sekretar shteti që spostoi Grenell! Me qasje pro Kosovës, në 2011 deklaroi: Serbët donin të kryenin spastrim etnik
13 Nëntor, 12:47
-
“Larg qoftë t’i jap leksion ndonjërit, por...”, Rama në Baku: Ajo që po ndodh në Europë dhe botë nuk lë shumë hapësirë për optimizëm (Fjalimi i plotë në samitin COP29)
13 Nëntor, 11:20
