Takimi me Ramën, Vuçiç: Folëm për pikëpamjet e ndryshme për situatën në veri, dallimet tona do i mbajmë për vete

 

Presidenti serb Aleksandër Vuçiç ka thënë në konferencën me Ramën, se gjatë takimit kan ëbiseduar edhe për pikëpamjet e ndryshme për situatën në veri të Kosovës. Vuçiç nuk preferoi që të japë më shumë detaje, ndërsa tha se dallimet e Serbisë do i mbajnë për vete. Ndërkohë, ai theksoi se pavarësisht pikëpamjeve të ndryshme, do vazhdojë të punojë për marrëdhënie të mira me Shqipërinë.

"Folëm për pikëpamjet tona shpesh të ndryshme sa i takon situatës në Kosovë, por nuk do ishte e drejtë të thonim diçka këtu në prani te kryeministrit shqiptar dhe s’besoj se do e bëjë dhe ai. Dallimet tona do t’i lëmë për ne. Diskutimet e tjera do i lëmë gjatë mbrëmjes. Pavarësisht pikëpamjeve të ndryshme me Shqipërinë do vazhdojmë të kontribuojmë për marrëdhënie me të mira”, ka thënë Vuçiç.

LEXO EDHE:
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet

Lajmi kryesor:

Drafti për asociacionin krijon tension në Beograd! Rama: Ia kam dorëzuar Macron dhe Scholz! Vuçiç heq kufjet dhe tenton të ikë: Ata s’janë kumbarë

SI.E./KT/Shqiptarja.com

TAG:
• tensione ne veri te kosoves
• aleksander vucic
• edi rama
• drafti i Ramës për asociacionin
• Turi Ballkanik i Ramës