POP 5

Lajmet më të lexuara të 5 minutave të fundit

Kronikë

Takim me Sportistët e Rinj, ministrja Kushi: Mbështetja jonë është tashmë e pasqyruar edhe në ndryshimet ligjore

Ministrja e Arsimit, Sportit dhe Rinisë Evis Kushi është takuar me një pjesë të sportistëve të rinj medalistë, në ambientet e Qendrës së re Olimpike “Tirana Olympic Park”.  Ministrja ka zhvilluar një bashkëbisedim me sportistët për të diskutuar mbi çështje me interes për zhvillimin e sportit dhe kushteve të sportistëve

Ministrja e Arsimit, Sportit dhe Rinisë Evis Kushi është takuar me një pjesë të sportistëve të rinj medalistë, në ambientet e Qendrës së re Olimpike “Tirana Olympic Park”. 

Ministrja ka zhvilluar një bashkëbisedim me sportistët për të diskutuar mbi çështje me interes për zhvillimin e sportit dhe kushteve të sportistëve, për të parë më nga afër hapësirat ku nevojitet përmirësim, për t’u garantuar të gjithë sportistëve një të ardhme të mirë këtu në vendin tonë. 

“Sportistët janë ambasadorët tanë më të mirë në përfaqësimin e Shqipërisë në kudo në botë. Ndaj në takimin me disa prej sportistëve të rinj shpreha mbështetjen time personale dhe institucionale për sportin në përgjithësi dhe për të rinjtë si ta në veçanti, pasi ata janë e ardhmja e sportit elitar shqiptar” – shprehet ministrja Kushi.

Ajo ka nënvizuar se është shumë e rëndësishme të dëgjohen jo vetëm sukseset e tyre, por edhe vështirësitë dhe sfidat e përditshme, në mënyrë që të përmirësohet puna e përbashkët për zhvillimin e sportit në vendin tonë.

“Zgjodhëm jo rastësisht Qendrën Olimpike “Tirana Olympic Park” si një investim shumë i rëndësishëm i Qeverisë Shqiptare, me standardet më të mira, në shërbim të plotë të talenteve të rinj,” -  është shprehur Kushi.

Edhe në ndryshimet ligjore tashmë mbështetja ndaj sportistëve të rinj është e pasqyruar. Tashmë për ta janë përcaktuar edhe kriteret, dhe mënyra e shpërblimit dhe trajtimin e sportistëve, që përfitojnë statusin e nivelit të lartë, dhe trajnerëve të tyre.

 

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04