Takimi në Presidencë, Rama-Basha
të qeshur e në tension para Nishanit

Ka nisur në orën 19:05 në Presidencë takimi i dytë mes kryeministrit Rama dhe kryetarit të PD, Lulzim Basha në tryezën e iniciuar nga Nishani.
 
Rama mbërriti i pari Presidencë, pasi e përshkoi në këmbë rrugën nga Kryeministria në zyrën e kreut të shtetit.
 
Gjatë rrugës, Rama gjeti kohën që të bënte edhe disa foto me qytetarët, ndërsa u shoqërua deri në hyrje të Presidencës nga Sekretari i Përgjithshëm, Agaçi.
 
Ndryshe nga Rama dhe ashtu si herën e parë, Basha preferoi makinën, ndërsa mbërriti 3 minuta me vonesë në Presidencë.
 
Në takim janë lejuar vetëm pak sekonda për të filmuar operatorët e televizioneve, ndërsa shikohet që Rama dhe Basha shfaqen të qeshur dhe në tension para kamerave.
 
Takimi i sotëm ndryshe nga hera e parë po zhvillohet në një tjetër dhomë pritje në Presidencë, Rama i ulur këmbë mbi këmbë në krah të Nishanit, ndërsa Basha përballë Presidentit.
 
Ndryshe nga hera e parë në takimin e sotëm Rama dhe Basha nuk janë të shoqëruar nga kryetarët e grupeve.
 

dy.b/shqiptarja.com