WASHINGTON – Shtetet e Bashkuara dhe talebanët paralajmërojnë bisedime direkte për negociatat për paqe javën e ardhshme në Doha, në Katar, ku talebanët kanë çelur edhe një seli përfaqësimi. E bëjnë të ditur funksionarë amerikanë. Por edhe Obama pas takimit të G8.
 
BISEDIMET SHBA-TALEBANË, 'HAPI I PARË I UDHËS SË GJATË’
Bisedimet në Doha "janë hapi i parë i një rruge të gjatë", nënvizojnë funksionarët. Talebanët, shtojnë, "do të dalin sot me një komunikatë në të cilën do të impenjohen për të mos e përdorur territorin afgan për të sulmuar vendet fqinje dhe për të mbështetur procesin e paqes në vend”. Në bisedime, bëjnë të ditur burimet, amerikanët do të këmbëngulin, që "talebanët të prishin lidhjet me me al Qaida-n".
 
TALEBANËT, GATI PËR TË NEGOCIUAR PAQE
Talebanët mbështesin një zgjidhje politike në konfliktin në Afganistan dhe përpjekjet për të "kthyer paqen": lexohet në një komunikatë të zëdhënësit Zabihullah Mujahid, i cili nënvizon vullnetin e kryengritësve për të çelur kontakte me komunitetin ndërkombëtar.

Marrë nga ANSA

Redaksia Online
(mag/shqiptarja.com)