Talentët  Shqiptarë zgjedhin Kosovë,
 Maqedoni para Kombëtares Kuqezi

Dy raste në një ditë, ndoshta është thjesht një koicidencë, por refuzimi i fanellës kuqezi hap një tjetër temë të nxehtë për futbollin shqiptar.
Dy talentë shqiptarë nuk kanë zgjedhur të luajnë për ekipet kombëtare të Shqipërisë, por njëri për Kosovën dhe tjetri për Maqedoninë.

Edon Zhegrova

Edon Zhegrova është talenti kosovar 19-vjeç, i cili luan me Genkun në Belgjikë.
Ai shihet si një lojtar me shumë të ardhme dhe dy federatat, ajo shqiptare dhe ajo kosovare, u vunë në lëvizje për të siguruar shërbimet e tij.
Para disa kohësh, Zhegrova kishte deklaruar se kishte ftesë nga Panucci për të ardhur në Kombëtaren A të Shqipërisë, por mesa duket ai e ka injoruar.

Valon Ethemi

19-vjecari ka zgjedhur të përfaqësojë Kosovën. Lajmin e ka bërë të ditur Federata e futbollit kosovar në një foto ku shfaqet ai me presidentin Vokrri.
Talenti tjetër që ka refuzuar është Valon Ethemi, i cili u bë pjesë e Kukësit në verë.

Edhe pse mesfushori erdhi nga një skuadër modeste, si Mamurrasi, ai ka bërë vend në ekipin kampion, ku në 20 ndeshje ka shënuar 2 gola.
Loja e mirë e mesfushorit ka rënë në sy edhe tek ekipet e kombëtares së Maqedonisë.

Duke qenë se lojtari zotëron të dyja pasaportat, shqiptare dhe maqedonase, seleksionuesit e shtetit fqinj kanë vepruar më shpejt se ata shqiptarë, pasi i kanë bërë ftesë zyrtare klubit të Kukësit që Ethemi të grumbullohet në Shkup për disa ditë me përfaqësuesen U-21.
Ethemi ka zhvilluar dje seancën e radhës me Kukësin, pastaj ka udhëtuar drejt Shkupit.
Ndonëse ai mund të zgjedhë sërish Shqipërinë, rasti duhet të jetë një sinjal për talentët e tjerë.

a.m/Shqiptarja.com