'Tani jemi shokë', Jerina Lalaj flet për ndarjen nga partneri pas 16 vitesh: Dikush nga ne do të ishte i palumtur

'Tani jemi shokë', Jerina Lalaj flet për ndarjen nga partneri pas 16 vitesh: Dikush nga ne do të ishte i palumtur

Ndarjet në çift shpesh janë momente të vështira për t’u përjetuar, por ndodh që palët të bien dakord për divorcin dhe madje të ruajnë miqësi me njëri-tjetrin.

Në një diskutim në emisionin “Goca dhe Gra”, moderatorja Jerina Lala tregoi se është ndarë nga ish-partneri i saj pas një romance që zgjati 16 vite, por vazhdon të ruajë komunikimin e mirë me të.

 “Unë jam shok me ish-in tim. Jemi ndarë prej tetë vitesh tashmë. Kemi marrë një vendim për të dy, që secili duhet të ndiqte rrugën e vet, sepse dikush nga ne do të ishte i palumtur nëse do të vazhdonim si ishim. Kemi qëndruar bashkë 16 vjet”, tha ajo.

Sipas Jerina Lalës, respekti mes dy personave që kanë ndarë një pjesë të mirë të jetës së bashku duhet të qëndrojë. Megjithatë, fakt tjetër është se jo të gjitha ndarjet janë kaq të lehta dhe mbyllen me dakordësi.

“Ndarja, sidomos kur ke ndarë me atë njeri një pjesë shumë të rëndësishme të jetës, të ndahesh mirë, është minimumi që mund të bësh. Ka një lloj respekti.  Që të ndahesh si mik, me personin që ke kaluar vite, ta pyesësh a je mirë, t’i thuash që jam e lumtur për veten tënde që ti je mirë dhe të kesh në këmbim të njëjtën energji të mirë”, përfundoi Lalaj.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

'Kush e fiton Europianin?' Ja si u votua tek sondazhi i Shqiptarja.com

'Kush e fiton Europianin?' Ja si u votua tek sondazhi i Shqiptarja.com