TIRANË - Të gjithë studentët e rretheve të cilët do të frekuentojnë godinat e Qytetit Studenti mund të nisin regjistrimet nga data 1 Tetor, ndërkohë që tarifa do të jetë e pandryshueshme ashtu sikurse edhe vitin e kaluar prej 45 mijë lekësh.

Ky fakt është pohuar nga vetë Drejtoresha e Qendrës Studentore Nr. 1, Anila Shehu në një prononcim për “Shqiptarja.com”. Sipas saj këtë vit, është ndjekur një procedurë ndryshe nga vitet e kaluara, dhe kjo ka të bëjë pikërisht me informimin e të rinjve në rrethe.