POP 5

Lajmet më të lexuara të 5 minutave të fundit

Kronikë

Tarifat nuk ulen, Lëvizja për Universitetin thirrje rektorit: Anulojini ose do të dalim në protestë

Pas deklaratës së rektorit të Universitetit të Tiranës, Artan Hoxha se tarifat do të paguhen edhe përse mësimi është zhvilluar online, Lëvizja për Univeristetin ka paralajmëruar protestë nëse nuk iu merren parasysh kërkesat.  

Tarifat nuk ulen, Lëvizja për Universitetin thirrje rektorit: Anulojini ose do të dalim në protestë

Rektori i Universitetit të Tiranës, Artan Hoxha

Rektori i Universitetit të Tiranës, Artan Hoxha ka refuzuar kërkesat e studentëve për uljen e tarifave ose anulimin e tyre edhe përse mësimi është zhvilluar online. Lëvizja për Universitetin i është përgjigjur deklaratave të rektorit duke paralajmëruar protestë në vjeshtë nëse këto kërkesa nuk merren parasysh.

Referuar disa anketave, Lëvizja për Universitetin shkruan se më shumë se gjysma e studentëve nuk kanë pasur mjetet e nevojshme për mësim online dhe qindra e mijëra prej tyre po e braktisin universitetin publik. Ndërkaq sipas tyre, COVID-19 ka goditur ekonominë familjare të shqiptarëve dhe anullimi i tarifave do shpëtonte studimet dhe ëndrrave të mijëra të rinjve.

"Përgjigje rektorit të Universitetit të Tiranës, Artan Hoxha

Në një dalje për shtyp, rektori i Universitetit të Tiranës z. Artan Hoxha iu përgjigj negativisht kërkesave të vazhdueshme të studentëve për ulje ose anulim të tarifës shkollore. Sipas tij, 70% e studentëve jetojnë jashtë Tiranës dhe familjet e tyre kanë kursyer ekonomikisht.

Por z. Hoxha nuk e merr fare parasysh se koha e kaluar në pandemi ka qenë shkatërrimtare për ekonominë familjare të shqiptarëve. Shumë kanë humbur punën, kursimet dhe shëndetin. Shto këtu që, sipas anketave, më shumë se gjysma e studentëve nuk kanë pasur mjetet e nevojshme për mësim online dhe qindra e mijëra prej tyre po e braktisin universitetin publik.

Në këto kushte, kriza nuk është e financave të qeverisë dhe universitetit, por e mbarë shoqërisë: të rinjve, punëtorëve e familjeve të tyre. Anulimi i tarifave studentore dhe e burokracisë së zakonshme është një hap i rëndësishëm për shpëtimin e studimeve dhe ëndrrave të mijëra të rinjve. Kush nuk e kupton ose refuzon të kuptojë, vetëm sa po e thellon më tej krizën.

Nëse qeveria dhe burokracia universitare nuk marrin parasysh zërin e studentëve me idenë se ata janë të shpërndarë dhe pa mundësi për të rezistuar, të mos harrojnë se në vjeshtë me dhjetra mijëra studentë do të kthehen në auditorë dhe rrugët do të përmbyten nga thirrjet e tyre", shkruhet në deklaratë.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça