Tarifat për studentët, përplasje
mes Berishës dhe Lindita Nikollës

Ministrja e Arsimit, Lindita Nikolla u është përgjigjur akuzave të Berishës për ligjin e arsimit të lartë.
 
Berisha akuzoi se me ligjin e arsimit të lartë, tarifat e studentëve për vitin 2016 krahasuar me vitin 2015 u rriten me 247 %.
 
Por Nikolla përgjigjet duke thënë se tarifat e universiteteve, nuk janë rritur me ligjin e ri dhe as nuk do të rriten këtë vit, siç Berisha fantazon.
 
 
Akuzat e Berishës
Me ligjin e antireformes te arsimit te larte,
- tarifat e studenteve per vitin 2016 krahasuar me vitin 2015 u rriten
- me 247%. Sipas ligjit, per vitin 2017 ato do rriten
- me 300% apo 4.5 here me shume se sa para miratimit te ligjit.
Keshtu nje familje do te paguaj per shkollimin e nje femije me shume se ç'paguante tre vjet me pare per shkollimin e tre femijeve.
Kjo eshte politika e mbylljes se dyerve te universiteteve per te varferit!
Ligji i pare qe do anulloje PD ne Shtator do jete ligji i arsimit e larte! Sb
 
Reagimi i Nikollës
Me keqardhje dhe trishtim lexova edhe një tjetër postim të gënjeshtërt të z. Berisha për tarifat Universitare. Sa herë mendoj që një burrë në moshën e tij nuk mund të bie kaq poshtë me gënjeshtra, shumfish ia del të na bindë çdo herë që fundi nuk ka fund.
E nuk ka ligshtim më të madh kur mendon që ky njeri ka drejtuar për kaq vite fatet e vendit.
 
E VËRTETA – Me fakte, shifra, e zeza mbi të bardhë. Tarifat e Universiteteve, NUK janë rritur me ligjin e ri dhe as NUK do të rriten këtë vit, siç z. Berisha fantazon.
 
Më poshtë, jo për të, por në respekt të çdo studenti e prindi po publikoj tabelat e tarifave 2014-2015-2016-2017 për Universitetin e Tiranës.
 
Do të vijojmë të bëjmë publike tarifat për të gjitha programet e studimit në universitetet publike dhe kushdo mund të dallojë qartësisht të vërtetën dhe të tregoj me gisht gënjeshtarin.
 
 
Dy.b/shqiptarja.com