Balla: Meta nuk përfaqëson më as unitetin e opozitës jo më të kombit! Luli ka frikën e vetme se po i shkon në opozitë! Ish-freshistin tonë e mbrojtën dy ballistë (VIDEO)

Kryetari i grupit Parlamentar të Partisë Socialiste, Taulant Balla, në fjalën e tij në seancën e sotme plenare tha se Meta nuk mund të jetë më kreu i shtetit shqiptar.

"Nuk do të hyja në replikë për shumë nga ato që tha. Të jeni i sigurt z. Murrizi se deputetët e PS e kanë mbështetur këtë grup parlamentar, është iniciativë e këtij grupi.  Unë shpreh keqardhjen që z. Meta nuk u soll dot si Presidenti Republike, edhe pse unë isha nga ata që e zgjodhën.

Le të më thotë ndonjëri prej jush sot që Ilir Meta përfaqëson unitetin e kombit. Ai prej 25 prillit nuk përfaqëson dot më as unitetin e opozitës. Luli ka hallin e vetëm që të mos shkarkohet Meta që të i shkojë në opozitë.

LEXO EDHE:
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua

Është hera e paorë në 30 vite që Kuvendi i Republikës çon deri në fund procesin e shkarkimit të Presidentit të republikës. Unë besoj se legjislatura pasardhëse ta ç'tensionojë klimën politike në Shqipëri dhe të punojmë të gjithë së bashku për ta bërë Shqipërinë si e gjithë Evropa", tha Balla.

Lajmi kryesor:

Kuvendi shkarkon me 104 vota Ilir Metën, Presidenti i parë në histori që ndëshkohet nga ligjvënësit! 'Fati' i tij në dorë të Kushtetueses! Rama: Largimin e tij e duan 90% e shqiptarëve

K.T./b.ha./Shqiptarja.com

TAG:
• Tirane
• Ilir Meta
• taulant balla
• Kuvendi i Shqiperise
• shkarkimi i metes