Receta

Tavë dheu me mëlçi nga amvisa tironse Suzana Kurti Mansaku

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 29 Qershor 2023, 11:40 | Përditesimi: 29 Qershor 2023, 11:42

E ftuar në këndin e kuzhinës një nga ndjekëset më të rregullta të emisionit “Rreze Dielli”. Shumë nga amvisat e kanë dëgjuar zërin e saj teksa është e para që telefonon përgjatë rubrikës së gatimit. “Amon mi amon…” është shprehja që dallon amvisën tironse Suzana Kurti Mansaku, e cila përgatiti sot në kuzhinën e Rreze Dielli recetën tradicionale të Shqipërisë së mesme, Tavë dheu me mëlçi.

Tavë dheu me mëlçi

Përbërësit:

LEXO EDHE:
Melomakarona, biskota me arra dhe mjaltë të sherbetosura nga zonja Albana

350 gr mëlçi pule
300 gr gjizë
1 qepë
1 thelpi hudhër
Spec djegës
Nenexhik
Salcë domate
Miell misri
Kripë, piper

Përgatitja:

Pasi i kemi prerë mëlçitë në kubikë i kaurdisim me pak vaj ulliri. Kaurdisim më pas qepën e grirë imët së bashku me hudhrën e shtypur. Sapo qepa ndryshon ngjyrë shtojmë mëlçitë, gjizën dhe salcën e domates. Rregullojmë shijen me kripë, piper dhe nenexhik dhe e kalojmë gatimin nga tigani në një tavë dheu të nxehur. E vendosim tavën në furrë në 200 gradë Celsius për rreth 30 minuta.

MC/Shqiptarja.com

TAG:

Komento

Komente

Iris: 30/06/2023 03:30
Kete recete mund t'a quash nje alternative per ata qe nuk hane mish te kuq,ose e kane te ndaluar,ose eshte shpikur ne kohen e tallonit te pulave,kur mishi i kuq ishte luks,pasi receta tiranse e famshme dhe origjinale,behet vetem me melci vici,apo me mire qengji dhe nuk permban mente (nenexhik).
Përgjigju