Receta

Tavë me oriz dhe patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Nëntor 2023, 10:32 | Përditesimi: 7 Nëntor 2023, 10:34

Tavë me oriz dhe patate

Përbërësit:

4 patate mesatare
2 fç oriz
4 vezë
1 qepë e thatë
4 qepë të njoma
1 fç ujë
2 fç qumësht
2 lgj vaj
2 lgj gjalpë
1/2 tufë majdanoz
1/2 tufë koper
Kripë, piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Kaurdisim në një tigan me gjalpë dhe vaj ulliri qepën e thatë dhe qepën e njomë të grirë imët. Shtojmë pak kripë dhe piper dhe pasi qepët të zbuten mirë shtojmë majdanoz dhe koper të grirë hollë. Patatet i presim në feta të holla rrumbullake dhe i vendosim në një tavë ku shtojmë orizin dhe qepët e gatuara. I trazojmë mirë të gjithë përbërësit e vendosur në tavë duke rregulluar shijen me kripë dhe piper. Vendosim qumështin në zjarr të ngrohet së bashku me një gotë ujë dhe e lemë derisa qumështi të kalojë në vlim. Rrahim ndërkohë vezët duke shtuar dhe pak qumësht të nxehtë gradualisht. E shtojmë qumështin në tavë në dhe në fund hedhim vezët e rrahura. E vendosim tavën në furrë të parangrohur në temperaturën 200 gradë për 30-35 minuta.

MC/Shqiptarja.com

TAG: