Receta

Tavë me patate dhe mish të grirë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 5 Prill 2023, 11:57 | Përditesimi: 5 Prill 2023, 11:59

Tavë me patate dhe mish të grirë

Përbërësit:

1 kg patate
Vaj bimor për skuqje
500 gr mish i grirë
4 lgj vaj ulliri
1 qepë
1 fl verë të kuqe
2 domate ose 1 fç salcë domate pelte
1 lgj salcë e koncentruar
1 lç piper i kuq i ëmbël
1 fç ujë
Kripë, piper i zi
Djathë i grirë pice sipas dëshirës

Përgatitja:

LEXO EDHE:
Tavë me makarona elb me qofte dhe salcë të kuqe nga zonja Albana

Pasi i kemi larë mirë patatet, qërojmë lëkurën dhe i presim në feta rrumbullake të cilat i skuqim për pak minuta në vaj bimor.

Në një tigan kaurdisim qepën me pak kripë. Sapo qepa të bëhet transparente shtojmë mishin e grirë dhe në momentin kur mishi fillon të kokrrizohet e shuajmë me verë të kuqe. Sapo të avullojë alkooli shtojmë salcën e domates ose domate te grira në rende. Rregullojmë shijen me kripë, piper dhe erëza.

Në një tavë vendosim një shtresë me patate, një shtresë kimë, përsëri një shtresë patate dhe kimë. Në fund bëjmë një spërkatje të sipërfaqes me djathë kaçkavall të grirë dhe e vendosim tavën në furrë në temperaturën 180 gradë Celsius për 30 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com