Receta

Tavë verore me speca, patëllxhanë dhe domate të mbushura nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Qershor 2023, 11:58 | Përditesimi: 9 Qershor 2023, 12:08

Perime verore të mbushura me oriz pa mish

Përbërësit:

3 speca për mbushje
2 domate të mëdha
1 patëllxhan
1 qepë e grirë
3 qepë të njoma
1 domate në kubikë
1 thelpi hudhër
200 gr oriz
200 ml ujë
Vaj ulliri
Kripë, piper, nenexhik
Majdanoz, koper

Për salcën:

LEXO EDHE:
Petulla me miell misri nga zonja Albana

1 lgj salcë koncentrat
200 ml uje
1-2 patate
Vaj ulliri
Kripë, piper

Përgatitja:

Pastrojmë perimet për t’i bërë gati për mbushjen. Pjesën e brendshme të domateve e grijmë në rende dhe së bashku me tulin e patëllxhanëve e kalojmë në një blender duke e kthyer në salcë. Kaurdisim qepët e grira imët, shtojmë salcën me domate dhe patëllxhanë, hudhrën dhe orizin. I kaurdisim për pak minuta dhe më pas shtojmë pak ujë. Rregullojmë shijen me kripë, piper dhe bimë aromatike. Me masën e përgatitur mbushim specat, domatet, patëllxhanin dhe i vendosim në një tavë. Hollojmë një lugë salcë të koncentruar me një gotë ujë, shtojmë kripë dhe piper të zi dhe e hedhim në tavën me perime të mbushura. Në qendër vendosim dhe një patate të prerë. E vendosim tavën të piqet në furrë të nxehtë në temperaturën 180 gradë Celsius.

MC/Shqiptarja.com

TAG: