Një i arrestuar dhe një i hetuar në Spanjë për trafik droge dhe prostitucion, dy vëllezërve Legisi u sekuestrohen në Shqipëri pasuri me vlerë 150 mijë euro

Dy vëllezërve Arjel dhe Oltjon Legisi u janë sekuestruar në Shqipëri pasuri me vlerë 150 mijë euro nga prokuroria e Tiranës, pasi dyshohet se i kanë përfituar nga veprimtari kriminale.

Prokuroria e Tiranës ka vendosur sekuestro preventive ndaj pasurive të luajtshme dhe të paluajtshme në Arjel dhe Oltjon Legisi, me precedent penal në fushën e krimeve ndaj jetës si dhe pastrimi i produkteve të veprës penale ose të veprimtarisë kriminale.

Vëllezërit Arjel dhe Oltjon Legisi, nga 30 vjeç,  janë hetuar dhe arrestuar edhe në Spanjë.

Arjel Legisi është arrestuar në Spanjë në 2018 pasi akuzohet për veprën penale “Trafikimi i personave të rritur”, e kryer në bashkëpunim. Ndërsa shtetasi Oltjon Legisi është nën hetim nga autoritetet Spanjolle për veprat penale “Trafikimi i personave të rritur dhe “Shfrytëzim i prostitucionit”.

Nën drejtimin e Prokurorisë po vijon puna për të zbuluar asete të tjera që këta shtetas dhe familjarët e tyre mund t’i kenë regjistruar në emër të personave të tjerë.

I.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se strukturat shtetërore i kanë kapacitetet për të përballuar stinën e përmbytjeve?



×

Lajmi i fundit

John

Putin: Njerëzit e vaksinuar me Sputnik nuk duhet të privohen nga e drejta për të udhëtuar