X

POP 5

Lajmet më të lexuara të 5 minutave të fundit

Sport

Te Flamurtari entuziast për sfidën kundër Besës, drejtori Ferko: Fitoret e fundit do na ndihmojnë për 3 pikët e radhës

Dy fitoret në dy ndeshjet e fundit kanë rritur entuziazmin te Flamurtari. Drejtori i klubit Alfred Ferko thotë se situata pozitive e krijuar do jetë përcaktuese për 3 pikët në ndeshjen e së shtunës kundër Besës. Për këtë ndeshje vlonjatët presin edhe mbështetjen e konsiderueshme të tifozëve në shkallët e stadiumit.

 

Minikriza e fillimsezonit është lënë pas te Flamurtari. Vlonjatët së fundmi kanë marrë dy fitore rradhazi kundër Turbinës në Kategorinë e Parë dhe më e rëndësishmja kundër Vllaznisë në turin e parë të Kupës. Alfred Ferko, ish-futbollisti i Flamurtarit dhe i kombëtares, tani në rolin e drejtorit të klubit, thotë se fitoret e fundit do ta ndihmojnë ekipin të mbajë të njëjtën vazhdimësi edhe në ndeshjen e rradhës kundër Besës në kampionat, që luhet të shtunën në orën 12:30.

“Besoj që këto dy fitore do shërbejnë në vazhdimësi. Ka njëfarë qetësie, entuaziazëm. Kanë qenë lojëra të bukura, rezultative dhe presim që kundër Kavajës të ketë vazhdimësi e të arrijmë ato objektiva që i kemi vendosur vetes,”-u shpreh Alfred Ferko, drejtor i Flamurtarit.

Një veçori e Flamurtarit të këtij sezoni është rikthimi i tifozëve në shkallët e stadiumit.

“Jemi shumë të kënaqur nga prezenca e publikut. Nga mënyra se si e ka pritur ekipin. Ndoshta kemi gabuar në ndeshjet e para, por ka qenë prezent dhe për këtë e vlerësojmë. Besoj do ia shpërblejmë në ndeshjen e nesërme,"-deklaroi Alfred Ferko, drejtor i Flamurtarit.

Pas 3 ndeshjeve në Kategorinë e Parë Flamurtari renditet në vendin e pestë me katër pikë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Banda e pirranecave: 30/09/2022 22:10

    Flamurtari me Sinanin dhe Ed Macokun do jet kampion i superliges vitin tjeter.Mortja qe su ha larot e mutit

    Përgjigju
  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Autogoli - Gazetari i RAI pranon gabimin: Publikon përgjigjet e Agaçit tre ditë pas emisionit ku pretendonte se ai nuk ishte përgjigjur

Autogoli - Gazetari i RAI pranon gabimin: Publikon përgjigjet e Agaçit tre ditë pas emisionit ku pretendonte se ai nuk ishte përgjigjur

23 Prill, 22:34