POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Bullgur me perime dhe Kallamarë e karkaleca me salcë domate

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Bullgur me perime

Përbërësit:

1 gotë uji bullgur kokërrmadh

1 lgj vaj ulliri

1 kokërr qepë

½ karrotë

1 kungulleshkë

1 selino

½ gotë çaji bizele

1 kokërr domate e qëruar

1 spec jeshil

Nenexhik i freskët

1 lugë margarinë

2 gota ujë i zier

Kripë dhe piper i zi

Përgatitja:

Vendosim në një tigan vajin e ullirit së bashku me margarinën. Sa të ketë shkrirë nargarina i shtojmë qepën, kungulleshkën, karrotën dhe selinonë dhe i kaurdisim ato për 3 minuta. Shtojmë specin jeshil të prerë në kubikë dhe e kaurdisim akoma për 1 minutë. Shtojmë domatet dhe i trazojmë të gjitha së bashku edhe për një minutë. Shtojmë bizelen. Më pas të gjithë të tjerat me rradhë si bullgurin, kripën, piperin e zi, ujin dhe nenexhikun e freskët. I lëmë të ziejnë në zjarr të lehtë për 15 minuta. Pasi të kenë zier të gjitha i lëmë të pushojë 20 minuta dhe më pas i servirim.

Bullgur me perime

Receta e dytë: Kallamarë dhe karkaleca me salcë domate

Përbërësit:

2 lgj vaj ulliri

1 qepë e vogël

1 thelb hudhër

½ spec pikant i freskët

600 gr kallamarë+karkaleca

70 ml verë të bardhë

150 ml pure domate

50 ml ujë

1 lç uthull

Majdanoz

Kripë dhe piper i zi

Përgatitja:

Vendosim tiganin me vaj të ngohtë. Më pas shtojmë hudhrën të pa prerë dhe specin djegës dhe i lemë për 2 minuta në tigan duke shtuar më pas kallamarët të prera në unaza. I kaurdisim së bashku me hudhrën dhe specin për 5 minuta dhe më pas shtojmë qepën e grirë imët. Vazhdojmë kaurdisjen dhe për 3-4 minuta të tjera. Më pas i shuajmë kallamarët me pak verë të bardhë. Sapo alkooli të avullojë shtojmë menjëherë salcën e domates dhe 50 ml ujë. Shtojmë 1 lugë të vogël uthull dhe i lemë kallamarët të ziejnë për 15 minuta. Në fund shtojmë karkalecat dhe i lemë për 3-5 minuta sa të zverdhen. E spërkasim gatimin me majdanoz dhe e servirim duke e spërkatur me pak vaj ulliri.

Kallamarë dhe karkaleca me salcë domate

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama akuzon PD-në: Nxit akte anti-shqiptare në tokë të huaj

Rama akuzon PD-në: Nxit akte anti-shqiptare në tokë të huaj

24 Nëntor, 13:57