Të gatuajmë me zonjën Vjollca/ Kek i kripur me djathë e erëza dhe Supë krem me presh e avokado

Kek i kripur me djathë dhe erëza

Përbërësit:  

3 vezë

1 filxhan çaji kos

1 filxhan çaji vaj Olim

1 filxhan çaji qumësht

1 lugë çaji sheqer

4-5 filxhan çaji miell

1 lugë çaji pluhur pjekës

1/2 lugë çaji sodë buke

1/2 lugë çaji kripë

100 gr djathë i bardhë

1/2 tufë koper

1/2 tufë majdanoz

Susam

12-15 kokrra ullinj

Përgatitja:

Vendosim në një tepsi letër pjekje dhe lyejmë tavën me pak gjalp dhe e spërkatim atë me susam.

Në një tas rrahim 3 vezë, shtojmë kosin, e përziejmë me vezët, shtojmë vajin, qumështin, pak sheqer.

Në një tjetër tas përziejmë produktet e thata, miellin, pluhurin pjekës dhe sodën e bukës. Më pas i shtojmë pak nga pak tek tasi me vezë dhe qumësht, e trazojmë dhe shtojmë pak kripë dhe djathin e thërmuar si dhe erëzat, majdanozin dhe koperin pasi i kemi përzier mirë. Vendosim brumin duke e niveluar në një tepsi. Vendosim sipër disa ullinj dhe e vendosim në furrë, në temperaturë 190 gradë Celsius, për 35 minuta.

Supë krem presh me avokado

1 lugë gjelle gjalp

4 presh mesatarë

Arrëmoskat

Kripë

2 patate mesatare

Piper i zi

1 litër lëng pule

4 lugë gjelle krem pana

1 avokado

Përgatitja:

Shkrijmë gjalpin në tenxhere dhe pasi të kemi larë dhe prerë hollë preshët, i shtojmë në tenxhere dhe i kaurdisim pak për 5 minuta. Spërkatim pak me arrëmoskat dhe kripë dhe vazhdojmë përzierjen.

Patatet e qëruara i presim në copëza të vogla me qëllim që të ziejnë shpejt, i shtojmë në tenxhere, shtojmë piper dhe lëngun e pulës.  Më pas shtojmë edhe 4 lugë gjelle krem pana. Vendosim kapakun dhe lëmë supën të ziejë për 15-20 minuta.

Pasi të jenë zierë mirë preshi dhe patatja e kalojmë supën ne blender dore dhe e kthejmë atë në krem. Presim avokadon në kubikë të vegjël, i spërkatim me pak lëng limoni dhe kur ta servirim supën, shtojmë në të ¼ e avokados në kubikë në pjatë.

 

D.M./b.ha./Shqiptarja.com
  • Sondazhi i ditës:

    Frika nga varianti Delta, a është momenti i vaksinimit me detyrim për kategori të caktuara të popullatës ?

Komento


×

Lajmi i fundit

John

Rriten temperaturat, moti për ditën e sotme