POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca: Kek zebra dhe pulë me speca e patate. Sot edhe quizi "Sa kushton receta?"

Si çdo të premte edhe sot në “Rreze Dielli”, përveçse sollëm dy receta fantastike nga zonja Vjollca, u argëtuam me rubrikën-quiz “Sa kushton receta?” 

Në rubrikën-quiz “Sa kushton receta?”, e vetmja gjë që duhet të bëni është një kalkulim i thjeshtë sesa mund të jetë kostoja e recetave që gatuhen në studion e “Rreze Dielli” nga duar e arta të zonjës Vjollca. Një telefonatë dhe nëse ‘qëlloni në shenjë’, 2 mijë lek do të bëhen tuajat.

Kek zebra

Përbërësit:

4 vezë

200 gr sheqer

150 ml qumësht

100 ml vaj

300 gr miell

1 bustinë  pluhur pjekës

1 bustinë vanilje

2 lugë gjelle kakao

Përgatitja:

Në një tas vendosim 4 vezë të plota, i rrahim duke shtuar gradualisht sheqerin dhe i përziejmë derisa sheqeri të shkrihet dhe shtojmë qumështin, vajin dhe vazhdojmë me përzierjen duke shtuar miellin, pluhurin pjekës, vaniljen dhe i trazojmë mirë. Ndajmë brumin në dy pjesë të barabarta. Njërën pjesë të brumit e përziejmë me kakaon. Lyejmë një tepsi me pak vaj ose gjalp, e pudrosim me miell dhe fillojmë në qendrër të saj hedhim pak brumë të bardhë, dhe mëpas parallel shtojmë pak brumë me kakao, në sasi të barabartë. Kështu vazhdojmë derisa të mbarojë brumi, pra pak brumë të bardhë dhe po në atë sasi brumë me kakao. Vendosim tepsinë në furrë, në temperaturë 180 gradë, për 40-45 minuta. 

Pulë me speca dhe patate

Përbërësit:

800 gr mish pule

2 qepë

4 thelpinj hudhra

3 speca me ngjyrë

Dafinë

100 gr pure domate

2 patate

500 ml lëng perimesh

4 lugë gjelle vaj ulliri

Kripë dhe piper i zi

Përgatitja:

Kavardisim fillimisht mishin e pulës derisa të zverdhet. E largojmë mënjëanë dhe e mbulojmë me kapak. Në po atë yndyrë kavardisim qepën e grirë imët dhe hudhrat e copëtuara. I trazojmë derisa qepët të zbuten.

Shtojmë specat e prera në shirita, i përziejmë për 2-3 minuta duke i shtuar më pas patate në kubikë mesatarë, purenë e patates, dafinën, e lemë të marrë pak valë.

Vendosim copët e mishit dhe lëngun e perimeve ose të pulës të nxehtëe plus kripë e piper të zi dhe e lemë të ziejë për 25-30 min në temperaturë mesatare.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Era e fortë në Lezhë, mbesin pa energji elektrike disa zona! Mjeteve të vogla të peshkimit iu kërkohet të mos dalin në breg

Era e fortë në Lezhë, mbesin pa energji elektrike disa zona! Mjeteve të vogla të peshkimit iu kërkohet të mos dalin në breg

26 Dhjetor, 11:28