POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Musaka me perime, mish e domate qershi dhe Pancakes

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Musaka me perime, mish dhe domate qershi

Përbërësit:

500 gr patëllxhanë

500 gr mish të grirë

1 lç erza të thata

2 thelpi hudhër

400 gr domate qershi

500 gr patate

2 kokrra vezë

250 gr kos

kripë+ piper i zi

rigon

vaj ulliri

30 gr parmixhan

Përgatitja:

Fillimisht ngrohim furrën në temperaturën 200ºC dhe pasi lajmë dhe pastrojmë, i thajmë patëllxhanët dhe i vendosim në furrë për ti pjekur për 30 minuta. Ziejmë patatet 20 minuta. Ndërkohë vendosim tiganin të ngrohet me vaj dhe kaurdisim mishin e grirë. Kur mishi të ndryshojë ngjyrë shtojmë hudhra të copëtuara, kripë e piper të zi. Shtojmë tek gjysma e domateve qershi të ndara në gjysmë.

Nxjerrim patëllxhanët nga furra, i qërojmë lëkurën dhe e presim në feta rrumbullake. Qërojmë patatet dhe I presim ato në feta. Lyejmë tepsinë me vaj dhe shtrojmë si bazë patatet në feta. Shtojmë gjysmën e kimës me mish dhe domatet qershi. E mbulojmë kimën me feta me patëllxhanë. Spërkatim me pak vaj dhe vazhdojmë të vendosim dhe disa feta me patate. Shperndajmë kimën e mbetur. Në një tas rrahim 2 kokrra vezë, pak rigon, kos, kripë e piper dhe i përziejmë së bashku dhe e shpërndajmë mbi musaka. Vendosim disa copa domate të ndara në gjysma ose më katërsh dhe në fund e pudrosim me parmixhan. Vendosim tepsinë në furrë në temperaturën 180ºC për 25-30 minuta.

Edhe sot vazhduam me quiz-in e gatimit. Kjo recetë kushtoi 710 lekë, megjithatë pas shumë telefonatave nuk pati një fitues që të mund të gjente vlerën e saktë se sa kushtonte receta e ditës së sotme. Të gjithë mund të bëheni fitues i vlerës 2000 lekë të reja nga Conad me anë të një telefonate në numrin 044 400 101. 

Musaka me perime, mish e domate qershi

Receta e dytë: Pancakes

Përbërësit:

220 gr miell

30 gr sheqer

1 lç pluhur pjekës

2 kokrra vezë

240 ml qumësht

60 gr gjalp i shkrirë

fruta sipas dëshirës

mjalt

Përgatitja:

Përziejmë në një tas produktet e thata miell, sheqer e pluhur pjekës. Në një tas tjetër bashkojmë vezët e plota dhe 240 ml qumësht. Shtojmë produktet e thata tek tasi me produktet e lëngshme dhe i përziejmë bashkë. Në fund shtojmë gjalpin e tretur dhe i përziejmë mirë me tel vezësh. Vendosim një tigan të ngrohet në temperaturë mesatare. Kur tigani të jetë ngrohur shtojmë nga 1 lugë gjelle brumë. E hapim atë në formë rrethore me diametër 8 cm. E lëmë të piqet deri sa brumi të fillojë të krijojë flluska. I kthejmë dhe i lëmë të piqen nga ana tjetër. Por mund të vendosim feta me frutat që preferoni në brum para se ta kthejmë petullën. I shërbejmë me fruta të freskëta dhe mjalt.

Pancakes

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30