Të gatuajmë me zonjën Vjollca: Patate furre me finok dhe Qofte me patëllxhanë dhe salcë domate

Patate furre me finok

Përbërësit:

1 kg patate

2 qepë

2 finok

600 gr qumësht

400 ml pana gatimi

1 degë rozmarinë

Dafinë

Arrëmoskat

4 thelpinj hudhra

50 gr parmixhano

Kripë dhe piper i zi

Përgatitja:

Qërojmë patatet dhe i presim në feta të holla. Qepën e qërojmë dhe e presim në fije si për sallatë.

Po ashtu edhe finokun. (bishtat jeshilë i ruajmë mënjëanë dhe e presim në fije si për sallatë. Qepën dhe finokun i kavadisim. Të gjithë perimet e mësipërme i vendosim në një tas dhe i trazojmë së bashku nëse nuk kavardisim qepën dhe i shtojmë në një tepsi duke i ngjeshur me dorë.

Në një tigan vendosim qumështin plus kremin pana+kripë+rozmarinë dhe dafinë të lidhura bashkë plus arrëmoskat plus hudhra të shtypura dhe i trazojmë bashkë me ½ e djathit parmixhano duke i trazuar mirë që të shkrijë djathi. Largojmë rozmarinën dhe dafinën dhe këtë masë e hedhim në tavën ku kemi patatet me finok dhe qepë.

E mbulojmë tavën me letër alumini dhe e vendosim atë në furrën e parangrohur në temp. 190-200 gradë Celsius për 30 minuta. Pastrojmë gjethet e finokut dhe I lemë mënjëanë për dekor. Pas 30 minutash largojmë letrën e aluminit dhe skërkasim mbi të me parmixhanon e mbetur derisa të shkrijë djathi dhe të marrë sipërfaqja ngjyrë të artë. Nxjerrim tavën nga furra dhe e skëkasim me gjethen e finokut, duke e shërbyer të ngrohtë.

Qofte me patëllxhanë dhe salcë domate

Përbërësit:

500 gr patëllxhanë

80 gr parmixhanë

3 lugë gjelle pure domate

1/2 lugë kafe borzilok i thatë

1 vezë

60 gr bukë bajate

Kripë plus piper i zi

50 gr galetë e grirë

100 gr mozzarella

100 gr galetë e grirë për pudrosje

Përgatitja:

 Lajmë, pastrojmë dhe presim në kubikë të vegjël me brinjë 0.5 cm patëllxhanët. Në një tigan me dy lugë gjelle vaj kavardisim patëllxhanët derisa të ulin volumin dhe të zbuten. I largojmë dhe i vendosim  në një tas.

Shtojmë në tasin me patëllxhanë 50 gr parmixhano të grirë hollë plas tre lugë gjelle pure domate, ½ lugë çaji borzilok të thatë, 1 kokërr vezë, 60 gr bukë bajte (të ftohtë) kripë dhe peper i zi, 50 gr galetë të grirë. I përziejmë mirë përbërësit në një tas dhe presim djathin mozzarella në kubikë me brinjë 1 cm.

Formojmë qofte nga masa e përgatitur me patëllxhanë. E bëjmë brumin me pëllëmbë petë dhe vendosim 1 kubik me mozzarella dhe e mbështjellim duke i dhënë formë të rrumbullakët. Kështu veprojmë me të gjitha qoftet.

I kalojmë qoftet në një tas me galetë të grirë dhe më pas i shkuqim në vaj derisa të marrin ngjyrë të artë.

Në një tigan me vaj ulliri, e ngrohim pak vajin dhe shtojmë 200 ml salcë domate, ½ lugë kafe me borzilok dhe i shërbëjmë qoftet të ngrohta.

G.C/b.ha./Shqiptarja.com
Komento