Receta

Të gatuajmë me zonjën Vjollca/ Pulë e mbushur me oriz e majdanoz dhe Tortë me çokollatë

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 20 Dhjetor 2019, 11:56 | Përditesimi: 20 Dhjetor 2019, 13:19

Pulë e mbushur me oriz dhe majdanoz

Përbërësit:

LEXO EDHE:
Tavë me lakër arme dhe kimë nga zonja Albana

1 pulë

3 lugë gjelle vaj ulliri

1 lugë gjelle gjalp

1 qepë mesatare

1 gotë oriz

Kripë dhe piper i zi

Pak piper i kuq pikant

3 lugë gjelle majdanoz i grirë

1/2 filxhan çaji ujë të nxehtë

Përgatitja:

Pastrojmë pulën dhe e lëmë mënjëanë.

Në një tigan ngrohim vajin, gjalpin dhe e kaurdisim qepën derisa të zbutet.

Shpëlajmë orizin dhe e shtojmë te qepa duke vazhduar ti kaurdisim së bashku. Rregullojmë shijen me kripë, piper të zi dhe piper pikant dhe i përziejmë së bashku me majdanoz të grirë. Shtojmë gjysmë filxhani me ujë të nxehtë dhe e lëmë të marrë valë derisa orizi të përthithë ujin.

Më pas mbushim pulën me oriz dhe e mbyllim atë me një shkop shishqebapi. Lyejmë pulën nga jashtë me pak vaj, gjalpë dhe kripë. Shtojmë ½ gotë ujë dhe e vendosim në furrë të piqet në temperaturë 190 gradë Celsius, për 1 orë.

Tortë me çokollatë (pa pjekje)

Përbërësit:

220 gr biskota pa yndyrë

160 ml krem pane për ëmbëlsirë

50 gr gjalp

220 gr çokollatë fondente

Për mbulesën e tortës:

110 gr çokollatë fondente

80 ml krem pane

25 gr gjalp

Përgatitja:

Vendosim biskotat në një qese, mbyllim qesen dhe i shtypim biskotat derisa të copëtohen në copëza, jo të bëhen thërrime, por në formën e një përsheshi. Biskota i largojmë nga qesja dhe i vendosim në një tas. Derdhim kremin në një tigan, shtojmë në të gjalpin, i trazojmë dhe i lëmë derisa të nxehen. Sapo gjalpi të shkrijë e shtojmë në tasin ku kemi çokollatën e grirë dhe e përziejmë derisa të shkrijë plotësisht çokollata.

Shtojmë çokollatën e shkrirë në tasin me biskotat e copëtuara dhe I përziejmë mirë derisa të gjitha biskotat të lyhen me çokollatë.

Në një tepsi unazë (portative) shtrojmë poshtë celefon dhe mbi të nivelojmë biskotat me çokollatë duke e ngjeshur mirë me ndihmën e një luge. Vendosim tepsinë në frigorifer për 1 orë.

Pasi të kalojë një orë përgatisim mbulesën e tortë. Ngrohim kremin pana, e shtojmë tëk çokollata e thërmuar, 25 gr gjalp të tretur, i përziejmë mirë dhe I shtojmë mbi tortë e përhapim mbi sipërfaqe dhe nga anët e tortës. Në fund I japim dekor përsëri me pak çokollatë të shkrirë sipas dëshirës.