POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Rizoto me lule kungulli e kungull dhe Sallatë me pulë e perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Rizoto me lule kungulli dhe kungull

Përbërja:

320 gr oriz

1.5l lëng perimesh

600 gr kungull të njomë

10-15 lule kungulli

majdanoz ose borzilok

1 qepë e vogël

1 thelpi hudhër

30 gr gjalp

vaj ulliri

½ gotë verë të bardhë

kripë+ piper i zi

30 gr parmixhan

Përgatitja:

Kungujt e pastruar i presim në kubikë me brinjë 0,5 cm. Në një tigan të thellë ngrohim 2 lugë gjelle vaj ulliri, 1 thelb hudhër për aromatizimin e vajit dhe më pas shtojmë kungujt e prerë në kubikë. I kaurdisim ato dhe shtojmë kripë e më pas vendosim kapakun që të zbuten. Në një tenxhere shkrijmë gjalp, shtojmë vah dhe kaurdisim qepën të grirë shumë imët. Sapo qepa të zbutet shtojmë orizin dhe e kaurdisim së bashku me qepën deri sa orizi të ngrohet mirë. E shuajmë me verë të bardhë dhe sapo alkooli të avullojë fillojmë të shtojmë lëngun e  perimeve gradualisht me garuzhde. Sapo orizi të përthithë lëngun, shtojmë përsëri. Në një tas të thellë vendosim 4-5 lugë gjelle kunguj të kaurdisur. Shtojmë pak lëng perimesh dhe me një blender dore e kthejmë në pure. Shtojmë kungujt e kaurdisur me oriz, purenë e kungullit dhe vazhdojmë përzierjen. Në fund shtojmë lulet e kungullit të cilave i kemi larguar pistilin, i kemi shpëlarë dhe në fund i kemi prerë për së gjati. Shtojmë 1 lugë gjalp, parmixhanën dhe i përziejmë. Shtojmë majdanoz ose borzilok. E shërbejmë duke e zbukuruar me lule kungulli.

Rizoto me lule kungulli e kungull

Receta e dytë: Sallatë me pulë dhe perime

Përbërësit:

400 gr fileto pule

2 tufa rukola

pak sallatë jeshile

2 speca

5-6 rrepa të kuqe

6-8 pomodorini

1 karrotë

1 kastravec

lëkurë limoni

Dresing

lëng limoni

3 lgj vaj ulliri

kripë+ piper i zi

6-8 gjethe borzilok

Përgatitja:

Lajmë dhe thajmë barishtet rukolën e sallatën dhe i copëtojmë me dorë. Presim fileton e pulës në feta të holla me trashësi 0,5 cm. e marinojmë atë me kripë e piper të zi dhe pasi kemi ngrohur vajin e skuqim atë nga të dyja anët deri sa të zverdhet pak. Pasi të skuqim, i largojmë në një pjatë dhe I lëmë të ftohen. Limonin e lajmë mirë dhe e thajmë, e grijmë hollë lëkurën e limonit dhe e lëmë mënjanë. Shtrydhim gjysmën e limonit në një tas dhe e bashkojmë me vajin, kripë, gjethe borziloku të grirë shumë hollë. I trazojmë mirë dhe e lëmë mënjanë. Vendosim barishtet e pastruara në një pjatancë, karrotën dhe kastravecin i presim me qëruesen e patateve, specat të prerë shumë hollë në gjysmë rrathë, domatet qershi në gjysma dhe rrepat e kuqe të prera në feta ose gjysmë feta. Shtojmë lëkurën e limonit. Presim fileton e pulës në shirita me gjatësi 5 cm. Në fund përziejmë dresingun dhe marinojmë sallatën.

Sallatë me pulë e perime

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06