Të gatuajmë me zonjën Vjollca/ Tortë krokante me kungull të verdhë dhe Makarona penne me domate dhe ullinj

Tortë krokante me kungull të verdhë

Përbërësit:

Brumi

300 gr miell

150 gr sheqer

1/2 lugë çaji kripë

1/2 lugë çaji pluhur pjekës

200 gr gjalp i ngrirë

1 lugë çaji uthull

2 të verdha veze

Mbushja:

500 gr kungull i verdhë

50 gr sheqer

Vanilje

1 lugë çaji lëkurë portokalli

3 lugë gjelle lëng portokalli

1 e verdhë veze

Përgatitja:

Fillimisht grijmë në rende tulin e kungullit në pjesën më të imët të rendes. Shtojmë pak kripë dhe e lëmë kungullin të nxjerrë lëngun e tij. E kullojmë mirë dhe e lëmë mënjëanë në një tas.

Sitim miellin dhe shtojmë në të sheqerin dhe pluhurin pjekës, kripën dhe I përziejmë. Grijmë gjalpin në rende nga pjesa më e trashë dhe duke e lyer gjalpin herë pas here me miell me qëllim që të mos ngjitet gjalpi në rende.

Shtojmë 1 lugë çaji uthull, 2 të verdha veze dhe fillojmë punojmë brumin e thërrmuar me duar derisa mbrumi të mblidhet top.

Vendosim ½ e brumit të thërrmuar  në një tepsi unazë duke e ngjeshur me fundin e një gote. Ne tasin me kungull shtojmë 1 lugë miell, lëkurën e portokallit, 3 lugë gjelle lëng portokalli, 1 të verdhë veze, sheqer, pak vanilje, I trazojmë mirë dhe shtojmë mbushjen mbi bazën me brum të thërrmuar.

Mbulojmë mbushjen me brumin e mbetur duke mbuluar komplet sipërfaqen e kungullit. Vendosim tepsinë në furrë në temperaturë 180 gradë Celsius për 40 minuta.

Makarona penne me domate dhe ullinj

Përbërësit:

320 gr Makarona penne

Vaj ulliri

3 thelpinj hudhra (të plota)

Pak spec pikant

1 lugë gjelle koperi

6-7 copë açuge

800 gr domate e copëtuar në kuti

100 gr ullinj të zi dhe jeshil

Kripë dhe piper i zi

Majdanoz

Përgatitja:

Vendosim një tenxhere me ujë të bollshëm për të valuar dhe për të zierë makaronat. Hedhim kripë dhe I lëmë të ziejnë 1 minutë më pak se në etiketë. Në një tigan të thellë ngrohim vaj, shtojmë hudhrat e plota dhe pak spec pikant. Shtojmë koperin e grirë, açuget dhe I kavardisim për 2 minuta.

Shtojmë domatet e grira në kuti, I përziejmë dhe I lëmë të ziejë për disa minuta. Shtojmë ullinjtë, dhe ato të copëtuar, pak majdanoz të grirë hollë. Shtojmë makaronat dhe I lëmë të ziejnë për 1-2 minuta së bashku. I shërbejmë të ngrohta!

 

D.M./b.ha./Shqiptarja.com

TAG:
• rreze dielli
• zonja vjollca
• gatime
• Tortë krokante me kungull të verdhë
• Makarona penne me domate dhe ullinj