POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Tortë me krem e luleshtrydhe dhe Mish me mashurka

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tortë me krem dhe luleshtrydhe

Përbërësit:

Kremi:

1 vezë

70 gr sheqer

vanilje

30 gr miell

250 ml qumësht

Brumi:

4 vezë

180 gr sheqer

vanilje

lëkurë limoni

80 ml vaj

100 ml qumësht

300 gr miell

1 pako pluhur pjekës

300 gr luleshtrydhe

Përgatitja:

Në një tas trazojmë 1 vezë, 70 gr sheqer, vanilje dhe 30 gr miel. I trazojmë së bashku duke shtuar qumështin dhe i përziejmë deri sa të na formohet një masë homogjene. E kullojmë në sitë dhe e venndosim në tenxhere në zjarr mesatar. E trazojmë vazhdimisht deri sa masa të trashet dhe të formohet një krem i lidhur. Në momentin që merr valë, e largojmë.

Ndërkohë në një tas rrahim 4 vezë, 180 gr sheqer, vanilje dhe i përziejmë deri sa sheqeri të shkrijë. Shtojmë lëkurën e limonit, 80 ml vaj bimor, 100 ml qumësht dhe i trazojmë sërish. Shtojmë miell, pluhur pjekës dhe na formohet një brum që shkëputet nga luga. Luleshtrydhet të lara dhe të thara I presim në kubikë, i presim me pak miell dhe i shtojmë tek brumi i tortës. Lyejmë një tepsi keku me gjalp dhe pudrosim me miell e më pas shtojmë në të brumin e tortës me luleshtrydhe. Sipër shtojmë lugë lugë kremin e përgatitur më parë. Vendosim tepsinë në furrë të piqet në temperaturën 170ºC për 40-45 minuta. Pasi e nxjerrim nga furra, e lëmë të bjerë temperature për 15 minuta dhe e pudrosim me sheqer pluhur. E shërbejmë me luleshtrydhe të freskëta.

Tortë me krem e luleshtrydhe

Receta e dytë: Mish me mashurka

Përbërësit:

4-5 racione mish viçi

2 qepë mesatare

2 domate mesatare

1 lgj salcë

1 kg mashurka

4 lgj vaj ulliri

Kripë+ piper

Erëza

Përgatitja:

Pastrojmë bishtajat. I lajmë  dhe i presim  në  gjatesi 3 cm dhe i hedhim  në një ujë  të valuar  me kripë për 10-15 minuta. Ndërkohë kaurdisim qepën , mishin, domatet e prera . Shtojmë salcën, ujin nga  mashurkat dhe  lëmë  mishin të ziejë.  Kullojmë  mashurkat dhe i shtojmë në tenxhere,i lëmë të ziejnë 10-15 minuta së bashku dhe në fund  mund të hidhni 2 lugë gjelle majdanoz të freskët .Nuk i ziejmë së bashku  me salcën  se mund të  forcohen  dhe duhet  një kohë më e gjatë për ti zier, Mund ti përgatisni edhe në  formë tjetër  duke i kaurdisur msashurkat

Mish me mashurka

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

VIDEO/ E nis dhe e mbyll aksionin, Edon Zhegrova shënon me Lille në Francë

VIDEO/ E nis dhe e mbyll aksionin, Edon Zhegrova shënon me Lille në Francë

24 Nëntor, 16:44