POP 5

Lajmet më të lexuara të 5 minutave të fundit

Sport

Të gjithë japin 'dritën jeshile', AF Elbasani drejt shitjes së aksioneve

Akademia e Futbollit Elbasani ka nxjerrë në shitje 70 përqind të aksioneve. Bashkia e Elbasanit i ka dhënë "dritën jeshile" daljes në shitje të këtyre aksioneve, me këshilltarët bashkiakë të të gjitha forcave politike që kanë votuar në mënyrë unanime që klubi të jetë në shitje sipas projektvendimit.

Të gjithë japin 'dritën jeshile', AF Elbasani drejt shitjes së aksioneve

Akademia e Futbollit Elbasani

Akademia e Futbollit Elbasani ka nxjerrë në shitje 70 përqind të aksioneve. Bashkia e Elbasanit i ka dhënë "dritën jeshile" daljes në shitje të këtyre aksioneve, me këshilltarët bashkiakë të të gjitha forcave politike që kanë votuar në mënyrë unanime që klubi të jetë në shitje sipas projektvendimit.

AF Elbasani do të vlejë fillimisht 138 milionë lekë të vjetër, për aksionet që do dalin në treg. Në mbledhjen e Këshillit Bashkiak bëhet me dije se asetet e klubit do vijojnë t'i mbeten bashkisë si pronare, ndërsa emri dhe logoja do shiten.

Kësisoj, pas afro dy vitesh nga krijimi, bashkia e Elbasanit ka nxjerrë në shitje klubin, me kreun e këtij institucioni që ka folur në mbledhje dhe ka sqaruar këtë vendim duke qenë se klubi është pranë ngjitjes në Superligë dhe po bën mirë në Kategorinë e Parë. Gledian Llatja ka sqaruar se ky është një detyrim ligjor, me sportin që do ketë mbështetje në këtë qytet.

“Pas krijimit rreth dy vite më parë, AF Elbasani ka pasur një performancë të mirë deri më sot dhe ka premisën për të kaluar në Superiore dhe ngritur emrin futbollit dhe Elbasanit aty ku e ka vendin. Është një detyrim ligjor kur je në ligë profesioniste, duhen shitur aksionet. Në këtë mbledhje kërkohet miratimi për shitjen. Asetet janë pronë e bashkisë. Pra, do të shiten vetëm 70% e aksioneve dhe nuk ka lidhje me asetet. Edhe mund t’i shisnim 100% të aksioneve, por nga diskutimet publike dhe grupet e interesit, qytetarët, tifozët, kanë kërkuar jo shitjen në masën 100%, por vetëm 70%. Bashkia e Elbasanit do të vijojë të mbështesë sportin në këtë qytet, jo vetëm futbollin”, tha Llatja.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28