Të krishterët për herë të parë minoritet në Angli

Të krishterët për herë të parë minoritet në Angli

Më pak se gjysma e popullsisë në Angli dhe Uells e konsiderojnë veten të krishterë, sipas gjetjeve të regjistrimit të ri të popullsisë.

Kjo është hera e parë që pakica i përket fesë kryesore të popullsisë.

Britania e Madhe është bërë më pak religjioze – dhe me më pak popullsi të racës së bardhë – prej regjistrimit të parafundit të popullsisë dekadën e kaluar, tregojnë të dhënat e reja, të publikuara nga Zyra për Statistikat Kombëtare.

Rreth 46.2 për qind e popullsisë në Angli dhe Uells e konsideron veten të krishtere, në krahasim me 59.3 për qind sa ka qenë shifra në regjistrimin e kaluar.

Numri i popullsisë myslimane është rritur nga 4.9 për qind në 6.5 për qind, derisa e popullsisë hinduse nga 1.5 për qind në 1.7 për qind.

Më shumë se një në tre persona, 37 për qind, konsiderojnë se nuk i përkasin ndonjë feje, në krahasim me 25 për qind më 2011.

Pjesët tjera të Mbretërisë së Bashkuar, Skocia dhe Irlanda Veriore, i publikojnë të dhënat e tyre ndaras.

Aktivistët e laicizmit kanë thënë se ky ndryshim duhet të nxisë analiza për mënyrën sesi është rrënjosur feja në shoqërinë britanike.

Ky vend ka shkollat e Kishës së Anglisë që financohen nga shteti, dhe pjesëtarë të institucionit të kishës kanë ulëse në Parlament dhe Mbretëri./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja