POP 5

Lajmet më të lexuara të 5 minutave të fundit

Sport

Te Kukësi përfundojnë kontratat, finalja e Kupës mund të luhet në maj. Aleksi kundër Luftëtarit: Pezullimi absurd

Arsyeja është se disa lojtarëve të klubit të Kukësit iu përfundon kontrata në muajin maj dhe verilindorët po shpresojnë për një datë më të afërt, por për këtë duhet të gjejë dakordësinë me FSHF-në dhe Tiranën.

Shpëtimi i sezonit për Tiranën dhe Kukësin është Kupa e Shqipërisë, finalja e të cilës është përcaktuar të luhet më 2 qershor, pavarësisht se ende nuk dihet stadiumi. Ky trofe do të përligjte deri diku investimet e Kukësit, ndërsa nga ana tjetër do të ishte mundësia e vetme që Tirana të merrte pjesën në Kupat e Europës, pavarësisht se primarë për bardheblutë mbetet sigurimi i mbijetesës.

Gjithsesi për momentin ka ende konfuzion për finalen, pasi nga se mësohet, klubet, por më së shumti Kukësi, po mendon për afrimin e datës së ndeshjes. Kjo për shkak se disa lojtarëve të verilindorëve mes të cilëve edhe sulmuesit Rexhinaldo i përfundon kontrata në fund të këtij muaji. Burime të ‘Report TV’ në klubin e Kukësit raportojnë se finaljamund  të luhet më 31 maj, por kërkesa e tyre duhet të gjejë konfirmin te FSHF-ja, e cila është organizatorja e garës.

Ndërkohë te Luftëtari ujërat janë turbulluar shumë pas vendimit të klubit për të pezulluar me dy javë trajnerin Julian Ahmataj, zëvendësin e tij dhe dy nga futbollistët. Ndryshe nga trajneri elbasanas që ka qëndruar në heshtje haptazi kundër vendimit ka dalë futbollisti Albano Aleksi. Në rrjetet sociale mesfushori ka shkruar:

“Dua të falënderoj në radhë të parë tifozerinë e Luftëtarit, të gjithë ata që më kanë mbështetur gjatë 4 viteve fantastike duke përfaqësuar fanellën e Luftëtarit, fanellë e cila më dha mundësinë të jem ky futbollist që jam sot. Jam ndier shumë i indinjuar pas informimit që mora për pezullimin nga ekipi, por më shumë i indinjuar jam ndier nga arsyeja absurde e këtij pezullimi. Dua t’i informoj të gjithë se kam dhënë maksimumin tim çdo sekond të luajtur me ekipin e Luftëtarit dhe askush nuk mund të ma hedhi poshtë djersën që kam derdh për këtë ekip dhe të uli figurën time si futbollist i këtij ekipi.
GJITHMONË FORCA LUFTETARI!”

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës

'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës

5 Nëntor, 18:28