POP 5

Lajmet më të lexuara të 5 minutave të fundit

Sport

Të mërkurën futboll, qeveria jep 'ok' për sportet! Partizani pret në kryeqytet Skënderbeun

Nga data 1 qershor sipas qeverisë do të lejohen të gjithë aktivitet sportive pa tifozë. Si rrjedhojë vjen më në fund edhe përgjigjja zyrtare për kampionatin e futbollit, konkretisht të Superligës, që do të rinisë të mërkurën me 3 qershor.

 

Pritjes i erdhi fundi. Tashmë edhe edhe zyrtare që Superliga shqiptare do të nisë me 3 qershor. Më në fund qeveria ka dhënë konfirmin e saj me anë të ministres së Shëndetësisë Ogerta Manastirliu, që ditën e sotme njoftoi mbi fazën e dytë të hapjes për shkak të koronavirusit.

“Do të lejohen nga data 1 qershor kampionatet sportive, pa praninë e publikut,”- u shpreh Manastirliu.

Më herët, ekzaktësisht më 13 maj, FSHF dhe klubet e Superligës vendosën datën 3 qershor për rifillimin e kampionatit, që është ndërprerë nga data 12 mars.

Sakaq më herët sektori i garave në Federatën Shqiptare të Futbollit ka caktuar edhe kalendarin e javës së 27, që do të luhet e gjitha më 3 qershor, por në dy fasha orari, në orën 17:30 dhe në orën 20:30.

Në fashën e parë të orarit, në 17:30, do të luhet katër nga pesë ndeshjet: 1-Kukësi-Luftëtari, 2-Laçi-Teuta, 3-Bylis-Tirana dhe 4-Flamurtari Vllaznia. Ndërkohë në orën 20:00 është caktuar të luhet supersfida mes Partizanit dhe Skënderbeut, edhe pse nuk dihet se në cilin stadium, ‘Air Albania’ apo ‘Selman Stërmasi’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Forcohet leku, bie euroja dhe dollari! Me sa këmbehen sot monedhat e huaja

Forcohet leku, bie euroja dhe dollari! Me sa këmbehen sot monedhat e huaja

25 Prill, 16:14