Bashkia Shkodër ka organizuar sot një tryezë diskutimi në lidhje me bashkëpunimin ndër-institucional për të miturit që kanë probleme me drejtësinë. Ky diskutim u zhvillua në bashkëpunim me Fondacionin ‘Zgjidhja e Konflikteve dhe Pajtimi i Mosmarrëveshjeve’, Qendrën për Zhvillim Komunitar ‘Sot për të Ardhmen’ dhe UNICEF Shqipëri.
Kryebashkiakja Voltana Ademi, tha se Bashkia Shkodër ka prioritet të lartë punën me fëmijët. Ndërsa Arbër Çela, kryetar i Gjykatës së Rrethit Gjyqësor Shkodër, tha se e kanë shumë të vështirë të mbajnë një sesion për të miturit për shkak të mungesës së kapaciteteve sepse duhet të ketë tre gjyqtarë dhe të jenë të specializuar për këto çështje. Nga ana tjetër edhe prokurorja e Prokurorisë së Shkodrës, Franceska Lekani, pranoi se gjatë dy viteve të fundit ka rritje të rasteve të përshirjes së të miturve në krime të rënda.
“Fëmijët janë një grup shoqëror mjaft i ndjeshëm, që lehtë mund të ekspozohen ndaj krimit, keqtrajtimit dhe dhunës, prandaj është e domosdoshme nevoja për njohjen dhe mbrojtjen e të drejtave të fëmijëve me synim parandalimin e përfshirjes së tyre në aktivitete të kundërligjshme. Prandaj në mbrojtje të interesit më të lartë të të miturve, duhet të bashkojmë të gjithë energjitë, dhe forcat për integrimin social dhe rehabilitimin e të miturve në konflikt me ligjin, viktimave dhe dëshmitarëve.”-tha Ademi.
Ndërsa Arbër Çela, kryetar i Gjykatës së Rrethit Gjyqësor Shkodër, tha se jemi në një fazë të neglizhencës për trajtimin e të miturve në konflikt me ligjin. Sakaq, Çela thekson se e kanë shumë të vështirë të mbajnë një sesion për të miturit për shkak të mungesës së kapaciteteve. Çela theksoi se duhet të ketë tre gjyqtarë dhe të jenë të specializuar, dhe kryetari në përcaktimin e seksioneve që gjyqtari që gjykon të miturit të jetë permanent.
“Jemi në një fazë të neglizhencës për trajtimin e të miturve në konflikt me ligjin. Ka shumë arsye. Problematika që vjen nga Reforma në Drejtësi. Gjykata Pukë e ka shumë të vështirë që të mbajë një sesion për të miturit sepse duhet të ketë tre gjyqtarë dhe të jenë të specializuar dhe kryetari në përcaktimin e seksioneve që gjyqtari që gjykon të miturit të jetë permament. Kjo është shumë e vështirë. Aktualisht një pjesë e çështjeve për shkak të largimit të gjyqtarëve gjykohen nga gjyqtarë të tjerë sepse nuk kanë specializimin që kërkon ligji. Kemi një rritje të kriminalitetit tek të miturit dhe rritje e gravitetit të veprave penale që kryejnë të miturit, në këtë javë janë gjykuar tre çështje ku kanë qenë autor të mitur apo të abuzuar. Kjo tregon se ka diçka që nuk shkon. Por nëse bëhet vlerësim i detajuar i rastit dhe në shumicën e rasteve do dali përgjegjësi tangenciale qoftë edhe e jona. Nga ana tjetër legjislacioni ynë për të miturit është nga më të miret në Ballkan por edhe Europë. Ka raste kur japim vendime të sakta por procedurën që kemi ndjekur e kemi të gabuar. Ne duhet te synojmë të merremi me psikikën me të miturit. Për ne çështje e mbyllur është ajo dosje që merr vendim të prerë por ne nuk jemi marrë me problematikën dhe në këtë rast kemi mbyllur një çështje por kemi lënë të hapur disa faktorë që sjell ripërsëritjen e krimit. Gjykata e Shkodrës në krahasim me të tjerat është më mirë por prap është keq dhe janë shumë të pakta rastet e shmangies se dënimit për të miturit në vendimet e tyre. Krimi goditet duke goditur fenomenin dhe në atë rast kemi goditur terrenin kriminal dhe më pas është e vështirë që të lulëzojë në të kundërt mentaliteti i gjyqtarëve për të dhënë vetëm dënime është i gabuar.”-tha Çela.
Lajme të tjera
-
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Pamje magjike nga Hajmeli, 250 besimtarë krijojnë skenën e lindjes së Jezu Krishtit! Shfaqja ‘Betlehemi i gjallë’ merr vëmendjen e qindra vizitorëve
23 Dhjetor, 16:04 -
Shkodër/ Po dhunonte të atin dhe e kërcënonte për ta vrarë, policia arreston në flagrancë 29-vjeçarin
23 Dhjetor, 11:10 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Shkodër, i vjedhin në rrugë çantën me 170 000 lekë dhe paketa me cigare, arrestohen hajdutët
20 Dhjetor, 11:13 -
Do zhvillojë turizmin në Shkodër, drejt përfundimit rruga e re Shëngjin-Velipojë (VIDEO)
20 Dhjetor, 08:23 -
Shkodër/ Miratohet buxheti 29 milionë euro për 2025! Opozita bën ‘mosbindje civile’
19 Dhjetor, 20:44
-
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Hapet tenderi 364 mln euro për ndërtimin e Milot-Balldre! Jepet për 35 vite me koncesion! Autostrada 17 km do jetë me pagesë
19 Dhjetor, 13:53
-
Në kërkim nga Spanja për trafik droge, arrestohet i riu në Shkodër (EMRI)
19 Dhjetor, 09:37 -
Shkodër/ Rijetëzimi i zonës së Zdrales, nis restaurimi i fasadave të banesave
18 Dhjetor, 15:03 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30
