POP 5

Lajmet më të lexuara të 5 minutave të fundit

Të premten, ndeshja Izrael-Shqipëri në 'Air Albania', Edy Reja: Nesër duhet të jemi në maksimum

Pas barazimit me Islandën kombëtarja luan të premten kundër Izraelit në Air Albania për Ligën e Kombeve. Trajneri Reja thotë se do vijojë me skemën 3-5-2 pavarësisht kritikave, ndërsa nuk zbulon asnjë lojtar që do jenë në formacion. Sakaq mbrojtësi Gjimshiti pret që kuqezinjtë të jenë më produktivë në fazën e sulmit

Pas barazimit me Islandën kombëtarja luan të premten kundër Izraelit në Air Albania për Ligën e Kombeve. Trajneri Reja thotë se do vijojë me skemën 3-5-2 pavarësisht kritikave, ndërsa nuk zbulon asnjë lojtar që do jenë në formacion. Sakaq mbrojtësi Gjimshiti pret që kuqezinjtë të jenë më produktivë në fazën e sulmit.

Të premten në orën 20:45 në Air Albania kombëtarja do luajë ndeshjen e dytë në Ligën e Kombeve kundër Izraelit, një ndeshje që do arbitrohet nga arbitra portugez. Në prag të sfidës trajneri Reja foli për kritikat në lidhje me skemën 3-5-2, duke thënë se lojtarët e aprovojnë atë, ndërsa më pas pranoi se merkato i ka shpërqendruar disa prej futbollistëve, ndaj përgatitja ka qenë e vështirë.

“Nuk e kam zakon të them se kush luan para ndeshjes. Uroj që zgjedhjet e mia të bien mbi lojtarë që janë të motivuar por edhe në formë të mirë nga pikëpamja fizike e mendore sepse nesër duhet të jemi në maksimum.”- tha  Edy Reja, trajner i kombëtares

Ndërkohë mbrojtësi Berat Gjimshiti fillimisht tha se gabimin e golit kundër Islandës do ta korrigjojë me Izraelin, ndërsa më pas saktësoi se objektiv mbetet vendi i parë.

 “Izraeli ka një skuadër ofensive shumë te mirë, ka lojtar të shpejtë, do shikojmë forcat tona te mbrohemi mirë por edhe te sulmojmë mirë sepse nëse shënon fiton. Besoj se në fazën defensive nuk kemi shumë probleme.”- tha Berat Gjimshiti, futbollist i kombëtares

Në të kaluarën Shqipëria është përballur katër herë me Izraelin, në dy raste ka fituar dhe dy të tjera ka humbur. Sfida e fundit është po për Ligën e Kombeve në 2018 e fituar 2-0 nga rivalët.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Shqiptari hakmerret ndaj ish-partneres, tenton ta vrasë me aksident pas ndjekjes në rrugë! Kapet në arrati, i nxori makinën nga rruga, vajza plagoset

Itali/ Shqiptari hakmerret ndaj ish-partneres, tenton ta vrasë me aksident pas ndjekjes në rrugë! Kapet në arrati, i nxori makinën nga rruga, vajza plagoset

24 Janar, 15:42