POP 5

Lajmet më të lexuara të 5 minutave të fundit

Bota

Të rinjtë vaksinohet të parët për COVID-19 në Indonezi! Strategjia e veçantë shkakton dyshime

Plani i vaksinimit në Indonezi, do të funksionojë ndryshe, pasi në fokus do të ketë grup moshat e reja, të cilët do të vaksinohen kundër COVID-19 të parët dhe jo moshat e vjetra si në shumicën e vendeve të tjera.

Të rinjtë vaksinohet të parët për COVID-19 në Indonezi! Strategjia e veçantë shkakton dyshime

Foto ilustruese e vaksinës

INDONEZIA- Plani i vaksinimit në Indonezi, do të funksionojë ndryshe, pasi në fokus do të ketë grup moshat e reja, të cilët do të vaksinohen kundër COVID-19 të parët dhe jo moshat e vjetra si në shumicën e vendeve të tjera.

Megjithatë, të parët do të kenë prioritet punonjësit e shëndetësisë, të cilët prej kohësh qëndrojnë në frontin e parë të “luftës” kundër koronavirusit duke rrezikuar edhe jetën, më pas policia dhe ushtria nga mosha 18-59 vjeç.

Profesori Amin Soebandrio, i cili edhe ka dhënë idenë për vaksinimin e të rinjve së pari, thotë se është e rëndësishme që të imunizohen fillimisht njerëzit që punojnë dhe në fund të ditës kthehen në shtëpitë e tyre te familjet.

Presidenti indonezian, Joko Widodo, 59- vjeçar është personi i parë në këtë shtet që është vaksinuar. Ndërkaq zëvendëspresidenti Ma’ruf Amin 77- vjeçar nuk do të marrë vaksinën pasi është i moshuar për fazën e parë.

Doktori Kim Mulholland, ka ngritur dyshime në lidhje me këtë strategji vaksinimi pasi sipas tij grup mosha më e rrezikuar është ajo e personave mbi 60 vjeç.

“Të gjitha studimet e kryera në çdo vend të botës, tregojnë se rreziku i madh për infektim i kanoset moshave të vjetra mbi 60 vjeç”, ka thënë Mulhollandi.

Sipas Ministrisë së Shëndetësisë personat mbi 60 vjeç përfaqësojnë vetëm 10% të popullsisë por 60% të viktimave nga COVID-19.

Në Indonezi numri total i infektimeve ka shkuar 858.043, ndërkohë që numri i viktimave është 24.951 në të gjithë vendin që nga fillimi i pandemisë, dhe është vendi më i prekur nga pandemia në Azinë Juglindore.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59