KAVAJË-Një vrasje e dyfishtë është regjistruar pasditen e kësaj të mërkure në një lokal në Kavajë, në qendër të qytetit. Report Tv ka mësuar se viktimat janë identifikuar si Edmond Gosa nga Kavaja dhe Altin Rexha nga Kukësi, të 2 të moshës 43-vjeç. Nga sa mësohet ka qenë Gosa që ka plagosur fillimisht me thikë Rexhën dhe më pas ky i fundit i është kundërpërgjigjur me armë. Altin Rexha i cili ka ndryshuar emrin në Sali Rexha, ka qenë me një fëmijë përdore në momentin e konfliktit. Gjithashtu edhe Edmond Gosa e ka ndryshuar emrin në Armand Gosa, teksa fisi i tij mbahet si “të fortët” në Kavajë. Ky i fundit, njihet si person problematik në qytet, i dënuar më parë për plagosjen e rëndë të Gent Gjuzit me kazëm, i cili vdiq më pas në spital.

Motivet mbeten të paqarta, por paraprakisht dyshohet se ngjarja ka ardhur pas një konflikti të nisur 3 ditë më parë e ndërsa sot dyshja janë takuar "për t'u sqaruar". 

Report Tv sjell pamjet nga vendi i ngjarjes, lokali te kryqëzimi i Valutës, siç njihet nga banorë të zonës. Paraprakisht raportohet se konflikti ka ndodhur brenda ambienteve të lokalit dhe më pas ka agravuar në ambientet e saj të jashtme, siç edhe mund të shihet në video, ku njollat e gjakut ende janë të dukshme. Ato janë dërguar me urgjencë në spital, por për fat të keq nuk kanë mundur që t'u mbijetojnë plagëve të marra. 

Është e paqartë se për çfarë janë konfliktuar, e ndërsa po ashtu priten të mësohet të dhëna të tjera në vijim lidhur me të kaluarën e 2 viktimave. Policia ka shoqërua disa persona, klientë të lokalit si persona që mund të kenë më shumë dijeni se si ndodhi ngjarja, e teksa pritet me interes deklarimi i tyre që mund të ndihmojë hetuesit që të shkojnë drejt zbardhjes së plotë.

*Raportuan për Report Tv, Sokol Dema dhe Aldo Mustafa

Rendit zhvillimet sipas orarit:
Ora 21:09
FOTOT/ Vranë njëri-tjetrin pas konfliktit për motive të dobëta, këta janë dy viktimat e ngjarjes së sotme në Kavajë

1684699850_ok.jpg

Edmond Gosa në të majtë dhe Altin Rexha në të djathë janë dy viktimat e pasdites së sotme në Kavajë pas një sherri për motive të dobëta me njëri-tjetrin. Shkaqet e konfliktit janë ende të paqarta por dyshohet se përplasjet mes tyre kishin isur para tre ditësh dhe ditën e sotme ishin takuar për t'u sqaruar por që fatkeqësisht nuk rezultoi kështu. 

Ora 20:54
‘Ai u shtri aty, tjetri këtu, mirë që s’më kapën mua plumbat’, dëshmitari për vrasjen në Kavajë: Ishte sherr koti

 

Një prej banorëve të zonës ka sjellë një dëshmi nga vrasja e dyfishtë në Kavajë. Ai tregon se thotë se Altin Rexha ishte i ardhur dhe ishte bashkë me djalin e tij të vogël përdore në momentin që u konfliktua me Edmond Gosa.

“Kanë pasur sherr koti, nuk arritën me e mbyll. Ai ishte më djalin përdore, ai malësori se s’ja di emrin se janë të ardhëm. Dhe po bisedonin, i pamë duke biseduar, kishte fëmijën për dore, ai me thikë, ai u shtri aty, ky këtu, nja 4 plumba i dëgjiva, mirë që nuk më kapi njeri mua”, tregon dëshmitari.

Ora 19:34
Përplasja me thika dhe me armë në Kavajë, Report Tv sjell pamje nga vendi i ngjarjes

 

Report Tv sjell pamje nga lokali ku ndodhi përplasja me thika dhe me armë zjarri, ku për pasojë humbën jetën 2 personat e identifikuar si Altin Rexha nga Kukësi dhe Edmond Gosa nga Kavaja.Siç shihet nga pamjet, shenjat e gjakut janë të dukshme jashtë ambienteve të lokalit, teksa mbeten të paqarta rrethanat e ngjarjes. 

Ora 19:29
U konfliktuan brenda në lokal më pas vranë njëri-tjetrin me armë, zbardhen emrat e dy viktimave në Kavajë

1680111202_zjarr.JPG

Altin Rexha dhe Edmond Gosa janë dy viktimat që ndërruan jetë mbrëmjen e sotme në Kavajë. Mësohet se dy viktimat janë konfliktuar në lokal me njëri tjetrin dhe më pas kanë përdorur armën e zjarrit dhe thikën. Edmond Gosa ka goditur me thikë Altin Rexhën, më pas ky i fundit ka qëlluar tre herë ndaj Gosës. Të dy për pasojë kanë humbur jetën pasi janë transportuar në spital.