POP 5

Lajmet më të lexuara të 5 minutave të fundit

Kronikë

Lezhë/ Përleshje për pronësi mes 2 familjeve në Torovicë, babë e bir plagosin rëndë me kosore 47-vjeçarin! Njëri në kërkim, tjetri do shoqërohet pas mjekimit (VIDEO+EMRAT)

Ngjarja ndodhi mbrëmjen e sotme, Policia ka shkuar menjëherë në vendngjarje dhe nisi hetimet. Identifikohen dy agresorët, i dëmtuan edhe makinën të plagosurit. Babai arratiset nga vendngjarja, i buiri mori lëndime trupore gjatë përleshjes. 47-vjeçari ka plagë të rënda

Lezhë- Konflikti mes familjeve me motive pronësie, ka përfunduar në përleshje me sende të forta e prerëse, dhe për pasojë një prej tyre përfundoi i plagosur rëndë në spital.

Ngjarja ka ndodhur në zonën e Balldresë, në fshatin Torovicë, në Lezhë, mbrëmjen e sotme (27 Tetor). Dy persona, Sokol dhe Nikolin Boga, babë dhe bir, janë përleshur me një 47-vjeçar.

Ky i fundit po merr mjekim në spitalin e qytetit dhe ka dëmtime serioze nga një mjet prerës bujqësor, kosore. Po kështu i lënduar mbeti edhe Nikolin Boga, kurse i ati u arratis nga vendngjarja dhe u shpall në kërkim. I biri po mjekohet dhe më tej do shoqërohet në Komisariat. 

“Rreth orës 17:35, në Balldre, Lezhë, si pasojë e një konflikti për motive të dobëta është dëmtuar me  një mjet prerës (kosore), shtetasi L. M., 47 vjeç, i cili po merr mjekim në spital dhe ndodhet jashtë rrezikut për jetën”, tha policia vendore.

Nga veprimet e para hetimore të kryera nga grupi hetimor, dyshohet se 47-vjeçari është goditur nga Sokol Boga dhe djali i tij Nikolin Boga,  gjatë konfliktit fizik mes tyre. I pari është shpallur në kërkim nga uniformat blu.

“Po nga konflikti është dëmtuar lehtë dhe shtetasi Nikolin Boga, i cili pas ndihmës mjekësore do shoqërohet  në Komisariat për veprime të mëtejshme”, sqaroi policia vendore për veprimet proceduriale.

Gjithashtu po nga veprimet  e para hetimore dyshohet se këta shtetas kanë thyer dhe xhamin e parë të automjetit në pronësi të 47-vjeçarit të plagosur.

Hetimet po vijojnë bashkë me prokurorinë vendore, për të zbardhur plotësisht dinamikën e krimit dhe shkaqet, për dokumentimin ligjor.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57