Të shtëna me armë zjarri janë dëgjuar pranë klubit ndërkombëtar të golfit në Ëest Palm Beach, Florida, ku ish-presidenti amerikan Donald Trump po luante golf.
Ngjarja ka ndodhur pak para orës 14:00 (ora lokale).
Sipas CNN, duke cituar "burime të informuara", autoritetet besojnë se Donald Trump ishte në fakt objektivi i individit të armatosur.
Burri, i armatosur me një armë, u arrestua pasi, sipas burimeve të Associated Press , ai iku me një fuoristradë dhe më pas u ndalua.
Sipas djalit të ish-presidentit Donald Trump Jr, një armë zjarri AK-47 është gjetur e hedhur pranë disa shkurreve, ndërkohë që një person është arrestuar, raporton La Repubblica.
Ambienti u mbyll menjëherë pas ngjarjes, sipas një burimi për CNN.
Shërbimi Sekret përmes një postimi në platformën X njoftuan se ish-presidenti është i sigurt dhe se po punojnë me Zyrën e Sherifit të Qarkut Palm Beach për të zbardhur shkaqet.
Incidenti vjen pothuajse saktësisht dy muaj pasi një person i armatosur tentoi të vriste Trumpin në një tubim në Butler, Pensilvani, ku Trump u plagos në njërin vesh.
Ndërkohë ka pasur një reagim nga Shtëpia e Bardhë ku shprehen se ndjehen të lehtësuar pasi Trump është shëndoshë e mirë. Vetë ish presidenti në një e-mail drejtuar mbështetësve të tij shprehet se është mirë dhe nuk do të ndalet pasi nuk dorëzohet kurrë.
Pas të shtënave me armë pranë vendit ku po qëndronte duke luajtur golf në Florida në Plam Beach, ka reaguar Donald Trump. Kandidati republikan thotë në një e-mail drejtuar mbështetësve të tij, se ndjehet i sigurtë dhe nuk ka asnjë problem. Ndërsa shton se nuk dorëzohet dhe asgjë nuk e ndal.
“Ka pasur të shtëna armësh, por dua që t’ju them se Jam i sigurt dhe jam mirë! Asgjë nuk do të më ngadalësojë, nuk do të dorëzohem kurrë! Unë gjithmonë do t’ju dua që më mbështetni. Bashkim. Paqe”, thotë Trump në reagimin e tij.
Zëvendëspresidentja Kamala Harris dhe presidenti Joe Biden
Presidenti i SHBA Joe Biden dhe zëvendëspresidentja e tij Kamala Harris thonë se janë "të lehtësuar" që Donald Trump është "i sigurt dhe shëndoshë e mirë" pas të shtënave që ndodhën më herët sot, afër vendit ku ishte kandidati republikan për president, pa asnjë rrezik për viktima.
Sipas një deklarate nga Shtëpia e Bardhë, “presidenti dhe zëvendëspresidentja u informuan për incidentin e sigurisë në fushën e golfit Trump International (në Florida), ku ish-presidenti ishte duke u praktikuar. Ata lehtësohen kur mësojnë se ai është shëndoshë e mirë. Ato do të përditësohen rregullisht nga ekipet e tyre."
Fillimisht, ekipi i fushatës së Trump njoftoi, pa dhënë detaje, se ish-presidenti republikan ishte i sigurt pas të shtënave të shumta që ndodhën afër vendit ku po lunate golf.
Ish-presidenti, i cili ishte në klubin e tij të golfit në Florida, sipas raporteve të mediave, është "i sigurt dhe shëndoshë e mirë’ pas të shtënave që ndodhën pranë tij", tha drejtori i komunikimit të fushatës Stephen Chung.
Lajme të tjera
-
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Tronditet Nju Jorku, burri djeg një grua në metro, ndërron jetë! Policia në kërkim të autorit
22 Dhjetor, 22:25 -
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51
