Rreth orës 18:00 lokale, në perimetrin e Shtëpisë së Bardhë pati të shtëna me armë. Menjëherë ndërhynë agjentët e FBI-së dhe të Shërbimit Sekret, të cilët u përfshinë në një shkëmbim zjarri me agresorin: një burrë, i plagosur nga plumbat e forcave të sigurisë, vdiq në spital si pasojë e plagëve të marra gjatë të shtënave. Një tjetër mbeti i plagosur, por ende nuk dihen detaje. Presidenti Donald Trump ndodhej brenda Shtëpisë së Bardhë, “por nuk ka qenë asnjëherë në rrezik”.

Sipas informacioneve të publikuara, atentatori quhej Nasire Best, 21 vjeç, nga Maryland. Ai kishte probleme të shëndetit mendor dhe besonte se ishte Jezusi; gjithashtu kishte një proces gjyqësor në vazhdim me urdhër ndalimi për t’iu afruar Shtëpisë së Bardhë. Sipas burimeve hetimore, në të kaluarën ai kishte shkruar në rrjetet sociale se dëshironte t’i bënte keq Trumpit.

Në veçanti, i riu kishte shkruar në rrjetet sociale se ishte Osama bin Laden “i vërtetë”, shkruan CNN. Në qershor të vitit 2025, Nasir Best bllokoi një korsi hyrëse drejt Shtëpisë së Bardhë. Pasi deklaroi se ishte “Zoti”, ai u ndalua nga Shërbimi Sekret dhe u shtrua në Institutin Psikiatrik të Uashingtonit për një vlerësim psikiatrik. Muajin pasues, në korrik 2025, Shërbimi Sekret e arrestoi sërish Best pasi ai tentoi të hynte në një rrugicë të kompleksit të Shtëpisë së Bardhë. Një gjykatës kishte nxjerrë një urdhër që e detyronte të qëndronte larg Shtëpisë së Bardhë dhe të mos sillej në mënyrë të dhunshme apo të mbante armë.

“Falënderoj Shërbimin tone Sekret të jashtëzakonshëm dhe forcat e rendit për ndërhyrjen e shpejtë dhe profesionale këtë mbrëmje kundër një personi të armatosur pranë Shtëpisë së Bardhë, i cili kishte precedentë dhune dhe një fiksim të mundshëm me ndërtesën më të shenjtë të vendit tonë,” shkroi Trump në Truth. “Personi i armatosur vdiq pas një shkëmbimi zjarri me agjentët e Shërbimit Sekret pranë portave të Shtëpisë së Bardhë. Ky incident, që ndodhi një muaj pas të shtënave gjatë darkës së korrespondentëve të Shtëpisë së Bardhë, tregon sa e rëndësishme është që për të gjithë presidentët e ardhshëm të garantohet në Uashington, D.C., hapësira më e sigurt dhe më e mbrojtur e ndërtuar ndonjëherë. Siguria kombëtare e vendit tonë e kërkon këtë!”

Në momentin e të shtënave, gazetarët e pranishëm në Shtëpinë e Bardhë u mblodhën në sallën e konferencave pas të shtënave. Sipas CNN, agjentë të armatosur të Shërbimit Sekret ndodhen në kopshtin e Shtëpisë së Bardhë. Një zyrtar i Shërbimit Sekret deklaroi për CNN se agjencia po heton raportimet për të shtëna në kryqëzimin mes 17th Street dhe Pennsylvania Avenue Northëest, menjëherë jashtë kompleksit të Shtëpisë së Bardhë.

U bënë virale edhe pamjet e gazetares Selina Ëang, korrespondente e ABC nga Shtëpia e Bardhë, e cila po realizonte një lidhje video nga brenda rezidencës presidenciale kur dëgjoi një seri të shtënash. Gazetarja u fsheh menjëherë, e tmerruar. “Isha në mes të një regjistrimi me iPhone-in tim për një video në rrjetet sociale nga lëndina veriore e Shtëpisë së Bardhë kur dëgjuam të shtëna. Dukej si një breshëri me dhjetëra plumba. Na thanë të vraponim drejt sallës së shtypit, ku ndodhemi tani,” shkroi ajo në llogarinë e saj në X./Corriere della Sera