POP 5

Lajmet më të lexuara të 5 minutave të fundit

Temperatura rekord në Francë! Digjen 9 mijë ha pyje në Spanjë, evakuohen 3 mijë njerëz! Italia, Lombardia mund të shpallin gjendje të jashtëzakonshme

Temperaturat rekord kanë përfshirë Francën, Spanjën, Britaninë dhe Italinë, ku termometri shënoi mbi 40 gradë Celsius. Spitalet janë në gatishmëri, ndërsa mijëra persona janë evakuuar në përpjekje për t’u shpëtuar zjarreve.

Franca, Spanja dhe vende të tjera të Evropës Perëndimore po përjetojnë temperatura rekord, që kanë ngjallur shqetësim për zjarret në pyje dhe efektet e ndryshimeve klimatike.  Termometri shënoi mbi 40 gradë këtë fundjavë, ndërsa parashikohet që kjo e diel të shënojë një ulje të lehtë të tyre.

Spitalet franceze janë në gatishmëri për të pritur pacientë me gjendje të ndërlikuar shëndetësore për shkak të të nxehtit, ndërsa nxënësve të shkollave iu këkrua të qëndronin në shtëpi .

Kryqi i Kuq organizoi gjithashtu përpjekje për të shpërndarë ujë të ftohtë për pastrehët në Tuluzë, ku temperaturat gjithashtu janë rekord.

"Kjo është vala më e hershme e të nxehtit e regjistruar ndonjëherë në Francë" që nga viti 1947, tha Matthieu Sorel, një sinoptikan në Meteo France.

Në Spanjë, zjarret dogjën gati 9,000 hektarë pyje në rajonin veriperëndimor të Sierra de la Culebra të premten, duke detyruar rreth 200 njerëz të largohen nga shtëpitë e tyre”, thanë autoritetet rajonale.

Më shumë se 3,000 njerëz janë evakuuar, ndërsa zjarrfikësit po luftonin me zjarret në disa rajone të tjera, duke përfshirë pyjet në Katalonjë.

Disa qytete në veri të Italisë kanë njoftuar racionimin e ujit dhe rajoni i Lombardisë mund të shpallë gjendjen e jashtëzakonshme pasi një thatësirë rekord që kërcënon të korrat. Mbretëria e Bashkuar regjistroi ditën e saj më të nxehtë të vitit të premten me temperatura që arritën mbi 30 Celsius në orët e hershme të pasdites. Sipas ekspertëve, temperaturat e larta janë shkaktuar nga ndryshimet klimatike.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02