POP 5

Lajmet më të lexuara të 5 minutave të fundit

Sociale

Temperaturat e larta, shtohen urgjencat nga pickimet e gjarpërinjve në Fier, një rast edhe nga merimanga e zezë! Ja si duhet të veproni

Temperaturat e larta kanë shtuar ndjeshëm rrezikun dhe rastet e kafshimeve dhe pickimeve nga insektet dhe gjarpërinjtë. 8 raste me kafshime nga gjarpërinjtë e nepërkat janë regjistruar në spitalin e Fierit, ndërsa mjekët toksikologë japin këshilla për shmangien e këtyre incidenteve.

Spitali i Fierit po përballet me fluks të shtuar pacientësh të intoksikuar nga pickimet e insekteve dhe kafshimet nga gjarpërinjtë e nepërkat. Shtimi i sulmeve nga insektet dhe zvarranikët tha mjeku toksikolog, Lulzim Banushaj favorizohet edhe nga temperaturat e larta.

“Vapa e madhe ka favorizuara problemet toksikologjike, duke filluar nga pickimet nga insektet, kafshimet nga zvarranikët, nepërka dhe gjarpërinjtë shumë helmuese, po ashtu intoksikimet e ndryshme nga alkoolet dhe drogërat. Janë bërë shumë të rënda dhe në gjendje overdoze. Vapa i favorizon. Kemi rreth 8 kafshime nga zvarranikët, 5 nepërka dhe 3 gjarpërinj që kanë përfunduar të hospitalizuar. Kanë shpëtuar, por kanë pasur patjetër nevojë për ndihmë”, tha mjeku toksikolog në spitalin e Fierit, Lulzim Banushaj.

Pacientët janë kryesisht fermerë, ndërsa nuk kanë munguar as rastet e pickimeve nga merimanga e zezë. Të gjitha rastet kanë pasur nevojë për hospitalizim tha mjeku Banushaj.

“Gjithashtu nga pickimet nga merimanga. Kemi pasur disa rasta. Edhe ata me klinikë të shprehur. Temperaturat e larta i favorizojnë gjendjet toksike. Shumica kanë qenë duke punuar në ambientet e tyre të punës. Në ara, nëpër pemë, nëpër shërbimet bujqësore”, tha Banushaj.

Nëse do të ishin përdorur veshjet e përshtatshme, mundësia e pikimeve dhe kafshimeve do të ishte e paktë. Ndaj mjeku toksikolog jep edhe disa këshilla.

“Përdorim i dorezave, çizmeve, kominosheve, është i domosdoshëm. Edhe pickimet e kafshimet favorizohen kur punohet pa mjete mbrojtëse”, tregoi ai. 

Shqetësuese janë edhe rastet e shtuara të qytetarëve që kalojnë në overdozë nga alkooli dhe droga, me pasoja fatale.

“Rastet më të rënda i kemi pasur nga overdozat që kanë kaluar deri në humbje jete. Duhet të kenë kujdes të gjithë konsumatorët e pijeve alkoolike, të varurit nga lëndët narkotike. Mosha të reja. Deri në 40 vjeç. Janë përdorues”, përfundoi mjeku.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?

Lajme të tjera



×

Lajmi i fundit

Bangladeshi përfshihet nga protesta të dhunshme studentore, 151 persona humbin jetën

Bangladeshi përfshihet nga protesta të dhunshme studentore, 151 persona humbin jetën

21 Korrik, 17:10