Temperaturat nën zero, ngrijnë kalldrëmet, Bashkia e Korçës nuk pastron rrugët! Qytetarët: S'kanë hedhur kripë! Kemi frikë mos rrëzohemi

Reshjet e borës kanë ndalur por temperatura në orët e para të ditës shënon -12 gradë celsius. Për pasojë rrugët e kalldrëmta dhe trotuaret në qendër të Korçës kanë ngrirë. Këto janë pamje nga bulevardi i ngrirë përpara katedrales.

Report Tv kreu një vëzhgim dhe në lagjet nr 1 dhe 2 të qytetit, ku situata paraqitet akoma më e vështirë, si pasojë e ngricës së madhe. Qytetarët tregojnë për vështirësi që hasin në aktivitetin e përditshëm, ndërsa shprehin zemërim ndaj Bashkisë së Korçës, e cila nuk ka marrë masa për hedhjen e kripës në rrugët e brendshme të qytetit.

"Me këtë akull që kemi mamaja nuk mund të eci dhe po e shoqëroj në market. Po të iki vetë nuk arrin të vijë në shtëpi, është shumë vështirë. Bashkia nuk i inereson fare për të pastruar, me çfarë mundemi me forcat tona". -thotë një qytetar.

"Në rrugët kryesore është hedhur kripë, në rrugët dytësore jo. Është shumë vështirë të ngjitesh".-shprehet një qytetar.

"Po si Korça të vazhdojë kështu, s'ka kripë?! Problem i madh është sidomos për ne që jemi moshë e tretë." - tha një e moshuar.

"Me akull është siç e shikon... Me frikë bëjmë kujdes mos biem".-shprehet një qytetar.

Rrugët nacionale janë të hapura, por kërkohet përdorimi i zinxhirëve sidomos në aksin problematik Korcë-Pogradec-Qafthanë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Mikrofinanca, shpëtim për ata që nuk kanë?