POP 5

Lajmet më të lexuara të 5 minutave të fundit

Arkiva

Tenderi i ministrisë, Gazeta
Shqiptarja.com zbuloi favorizimin

Gazeta Shqiptarja.com zbuloi për herë të parë manipulimin e kryer nga zyrtarët e lartë të ministrisë së Kulturës, Turizmit, Rinisë e Sportit me paratë e tenderit të 100-vjetorit.
TIRANE- Gazeta Shqiptarja.com zbuloi për herë të parë manipulimin e kryer nga zyrtarët e lartë të ministrisë së Kulturës, Turizmit, Rinisë e Sportit me paratë e tenderit të 100-vjetorit. Ka pasur heshtje nga ministria e Kulturës për mënyrën sesi u zhvillua ky tender. Ai u bë publik pak ditë para se të kryhej (të enjten), ndërsa firmat do të garonin të hënën. Një ndër dokumentet që kërkohej për këtë tender, ishte marrja e dokumentit nga Tatimet për shlyerjen e të gjitha detyrimeve karshi shtetit, një dokument që minimalisht kërkonte një javë kohë për t'u marrë. Një procedurë e tillë hodhi hije dyshimi lidhur me spekulime për mënyrën e organizimit të tenderit.

"Ishte e pamundur të garonim, edhe pse kemi marrë pjesë në aktivitete të tilla. Dokumentet që kërkoheshin për këtë tender nuk mund të plotësohen në afatin kohor triditor, për më tepër kur dihet se e shtuna dhe e djela janë pushim. Ndër të tjera, në qarqet dhe botën e organizimit dhe prodhimit të eventeve të tilla, dihet qartë se kush do të jetë fituesi dhe që ky tender është i paragjykuar", deklaroi për Shqiptarja.com drejtuesi i një prej operatorëve që funksionon në këtë fushë dhe që provoi të hynte në tender, pa sukses.

I pyetur nga Shqiptarja.com pas zhvillimit të garës, zv.ministri Nikollë Lesi ka deklaruar: "Nuk kam asnjë dijeni si zv.ministër dhe asnjëherë nuk është diskutuar në mbledhjen e ministrit me zëvendësministrat një projekt i tillë. Nëse është kështu siç thoni ju - që përzgjedhja po bëhet me dyer të mbyllura - kjo është e patolerueshme. Gjithshka duhet të jetë e hapur, transparente para publikut e medias për konkurruesit që kanë marrë pjesë, nëse është bërë ky tenderim. Unë nuk jam anëtar i Komisionit e as nuk bëhem, por duhej të isha informuar patjetër se përse bëhej fjalë".

(gk/shqiptarja.com)

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

U arrestuan pas përplasjes me policinë polake, lirohen 4 tifozët e kombëtares shqiptare

29 Mars, 14:42