Tension në Itali, emigrantët 
pushtojnë prefekturën e Firences

Firenze- Tensione janë regjistruar ditën e sotme në prefekturën e Firences në Itali, ku rreth 80 emigrantë u përpoqën të futen në zyrën ku po mbahej mbledhja ndërsa po diskutohej  zgjidhja përfundimtare për qindra refugjatë në Sesto Fiorentino. 

Për shkak të përleshjeve policia u detyrua të përdorë dhe shkop gome.
 
Mediat italiane shkrujanë se manifestuesit janë të njëjtët emigrantë të cilët  kanë qëndruar në pallatin e sportit ,por tashmë bashkiakët duhet të vendosin se ku do t’i dërgojnë.

[gallery]20575[/gallery]
“Duam një jetë dinjitoze, nuk duam të vdesim kështu” shkruhet në pankartat që ata mbanin në duar .

Pak ditë më parë në brendësi të një ish kampanoni i shndërruar në fjetore humbi jetën një azilant nga Somali i cili ishte kthyer mes flakëve që përfshiu banimin.

44 vjeçari u kthye të marrë dokumentet me të cilat do të ribashkohej me familjen.

Redaksia Online
e.m/Shqiptarja.com